مزن وزیر شہباز شریف ءَ مائیکروسافٹ ءِ کسان سالیں سرٹیفائیڈ پروفیشنل ارفع  کریم رندھوا ءَ را   توسیپ ءُ ستا

اسلام آباد۔14جنوری  (اے پی پی): مزن وزیر محمد شہباز شریف ءَ مائیکروسافٹ ءِ کسان سالیں سرٹیفائیڈ پروفیشنل ارفع کریم رندھوا ءَ را  توسیپ ءُ ستا کت ءُ گوشت کہ ارفا کریم پاکستانی ورنا آنی زانت ءُ بے دروریں توانائی ءِ یک چمکداریں مثال بوتگ۔ چار شمبے ءِ روچ ءَ عرفہ کریم رندھوا ءِ بیرانی ءِ روچ ءِ درگت ءَ وتی کلوہ ءِ تہ ءَ مزن وزیر ءَ گوشت کہ عرفہ کریم ءَ سکیں کسانیں اُمر ءَ پاکستان نامدار کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ عرفہ کریم رندھوا ءَ اے گپ ءِ ثبوت دات کہ پاکستانی ورنا کس ءَ چہ کم نہ اَنت، آھانی سوبمندی انگت ءَ مئے ورنا آنی واستہ رژن ءِ چراگ اَنت، عرفہ کریم ءِ واب یک نوکیں، زانت ءُ پاکستان ءِ توانمندیں واب بوتگ۔ مزن وزیر ءَ گوشت کہ لاہور ءَ جوڑ بوتگیں سافٹ ویئر ٹیکنالوجی پارک ءِ نام ارفا کریم ءِ ایر کنگ مئے واستہ شان ءِ گپ اِنت۔ حکومت ورنا آناں وانگ ءُ زانگ، پٹ ءُ پول ءُ ٹیکنالوجی ءِ پڑ ءَ دیمروئی ءِ موہ پجارینگ ءَ چہ عرفہ کریم رندھوا ءِ واب ءَ را حقیقت ءِ رنگ ءَ بدل کنگ ءِ ھاترا جزم اِنت۔ مزن وزیر ءَ عرفہ کریم ءِ مات ءُ پت ءُ کھول ءِ گوما دل ءِ جہلانکی ءَ چہ دلپدردی ءِ درشانی کت ءُ دعا کت کہ اللہ تعالیٰ بیران بوتگیں مردم ءَ را رحمت ءِ دائرہ ءَ مزنیں مقامے بہ دنت ءُ راج ءَ را آئی ءِ رندگیری ءِ توان بہ دنت۔