معاون مزن وزیر محمد اسحاق ڈار ءَ اسلام آباد ءَ آٹزم ءِ ھاتر ءَ سینٹر آف ایکسیلنس ءِ جوڑ کنگ ءِ چار ءُ تپاسی ءِ دیوان ءِ سروکی

اسلام آباد۔14جنوری  (اے پی پی): اسلام آباد ءَ نائب مزن وزیر ءُ درئی کارانی وزیر سینیٹر محمد اسحاق ڈار ءِ سروکی ءَ ایڈوائزری بورڈ ءِ اولی دیوان برجم دارگ بوتگ کہ ایشی ءِ تہ ءَ ھاسیں گپ ءُ تران کنگ بوتگ۔ فریم ورک ءُ سروس ءِ ڈیزائن ءِ سرا کار کنگ ءَ انت۔ نائب مزن وزیر ءِ کارگس ءِ نیمگ ءَ چہ جاڑی بوتگیں بیان ءِ رد ءَ اے منصوبگ ءِ مول ءُ مراد زھگ ءُ آوانی ھاندان آناں جھان ءِ تک ءِ ھیالداری، ھوار کنگ ءُ کمک ءِ پھجارینگ اِنت۔ کمیٹی ئَ مزن وزیر ءِ ہدایت ءِ رد ئَ یکسال ءِ اندر ئَ مرکز ءِ سرجمی ءِ وھد ءِ سر ئَ چار ءُ تپاسی کت۔ دیوان ءَ ھاسیں آرکیٹیکچر، کارندہ، انسانی وسائل ءِ فریم ورک ءُ سروس ڈیزائن ءِ سر ءَ تفصیل ءَ گپ ءُ تران کنگ بوت، ایشی ءِ تہ ءَ آٹزم ءِ ھیالداری ءِ تہ ءَ عملی تجربہ ءِ واھند تربیت یافتہ ماہرین ءُ پیشہ ور آنی گچین کنگ ءِ سر ءَ ھاسیں زور دیگ بوت۔ نائب مزن وزیر ءَ یک جامع ءُ راجی تک ءِ رھبند ءِ توثیق کت کہ ایشی ءِ تہ ءَ زھگ آنی گوما کار کنوکیں مردم آنی پسہ ءِ چیکنگ، منظم وانگ ءُ زانگ ءِ وسیلگ ءُ زوتیں نادراھی ءِ پٹ ءُ پول ءُ مداخلت ءِ واستہ شواہد ءِ سر ءَ بنیات ءِ رھبند ھوار اَنت۔ آئی ءَ نامداریں گلوبل سنٹر آنی گوما رابطہ جوڑ کنگ ءَ چہ جوانیں گلوبل پریکٹسز ءُ اسٹینڈرڈ آناں وتیگ کنگ ءِ ضلورت ءِ سر ءَ ھم زور پر دات۔ دیوان ءَ مزن وزیر ءِ ھاسیں کمکار طارق باجوہ، سیکرٹری جان سلامتی، ھاسیں سیکرٹری فنانس، وزارت وانگ ءُ زانگ ءُ دری کارانی مزنیں کارندہ ءُ ھمگرنچیں شوبگ آنی کارندہ آں ھم بھر زوری کتگ۔