وفاقی جان سلامتی ءِ وفاقی وزیر مصطفی کمال دور ءُ پدمنتگیں دمگ آنی تہ ءَ درمان ءِ آسراتی ءِ پھجارینگ ءِ واستہ ٹیلی میڈیسن ءِ کارآمد تریں ءُ نوکیں نظام اِنت

اسلام آباد۔14جنوری  (اے پی پی): راجی جان سلامتی ءِ وفاقی وزیر مصطفیٰ کمال ءَ گوشت کہ دور ءُ دراجیں دمگ آنی تہ ءَ علاج ءِ آسراتی پجاری ءِ واستہ ٹیلی میڈیسن ءِ کارآمد ءُ نوکیں نظام اِنت۔ آئی ءَ اے گپ بھیمبر تارڑ ءَ ڈیجیٹل ہیلتھ کیئر سنٹر ءِ بنگیج ءِ مراگش ءَ گوں تران کنان ءَ کت۔ وزیر جان سلامتی ءَ گوشت کہ پاکستان ءَ ٹیلی میڈیسن ءِ دیمروئی ءِ ھوالگ ءَ گوستگیں ماہ ءَ ’’سہات کہانی‘‘ ءِ گوما یک معاہدے ءِ سر ءَ دستخط کنگ بوتگ ایشی ءِ چیر دستی ءَ سرجمیں ملک ءَ ڈیجیٹلائزڈ جان سلامتی ءِ مراکز جوڑ کنگ بوھگ ءَ انت۔ آئی ءَ گوشت کہ اے منصوبگ ءِ چیر دستی ءَ ڈیجیٹل ھیلتھ کیئر سنٹر آنی واستہ پنچ ھزار آن لائن ڈاکٹر ایر کنگ بوتگ کہ آ دور ءَ چہ نادراہ آنی الاج ءَ کن اَنت۔ مصطفیٰ کمال ءَ گوشت کہ اولی ٹیلی میڈیسن مرکز اسلام آباد ءِ کوہستانی دمگ گوکینا ءَ جوڑ کنگ بوتگ ءُ دومی کراچی ءَ جوڑ کنگ بوتگ وھدیکہ بھیمبر تارڑ ءَ ٹیلی میڈیسن ءِ وسیلگ ءَ دمگی شہری آناں علاج ءِ آسراتی دیگ بوتگ۔ آئی ءَ گوشت کہ بھیمبر ءَ بنجاہی جان سلامتی مرکز ءِ ماڑی بوتگ بلے ڈاکٹر پوسٹ نہ بوتگ وھدیکہ ادا چہ اسلام آباد ءِ مزنیں نادراھجاہ ءَ سر بوھگ ءَ یک کلاک ءَ چہ گیش وھد لگ ایت ایشی ءِ سبب ءَ الس سکیں مشکل آنی آماچ بوتگ اَنت۔ آئی ءَ گوشت کہ نوں دمگی آبادی وتی دمگ ءَ الاج ءِ آسراتی رس ایت ءُ مزنیں نادراھی آماچیں نادراہ ایوک ءَ مزنیں اسپتال آنی تہ ءَ روگی انت۔ وفاقی وزیر جان سلامتی ءِ رد ءَ 70درسد مردم سردی، فلو، تب، درد، بلڈ پریشر ءُ دگہ کسانیں نادراھیانی آماچ اَنت۔ اے وڑیں نادراہ آناں مزنیں نادراھجاھانی بدل ءَ نزیکیں جان سلامتی مراگش آنی تہ ءَ درمان ءِ آسراتی دیگ المی اِنت کہ ایشی ءَ چہ مزنیں نادراھجاھ آنی تہ ءَ رش ءِ تہ ءَ مزنیں کساسے ءَ کمی کیت۔ مصطفیٰ کمال ءَ گوشت کہ ملک ءَ بنجاہی جان سلامتی ءِ نظام غیر فعال بوتگ کہ نوں ٹیلی میڈیسن ءِ وسیلگ ءَ ایشی ءَ را پدا فعال کنگ بوھگ ءَ انت۔ آئی ءَ من اِت کہ گوستگیں وھد ءَ وزارت جان سلامتی ءِ رھبند راست نہ بوتگ بلے نوں وزارت راستیں راہ ءَ اتکگ۔ آئی ءَ گوشت کہ ڈیجیٹلائزڈ جان سلامتی ءِ مراگش ایوک ءَ علاج ءَ گوں بندوک نہ بنت بلکینگ ءَ آ الس ءَ را جان سلامتی ءِ سرپدی ءِ تہ ءَ گیشی ءِ وسیلگ ھم جوڑ کنگ بنت۔ آئی ءَ گوشت کہ قطر ءَ نشتگیں ڈاکٹر کراچی ءِ ٹیلی میڈیسن سینٹر ءَ آن لائن ءَ نادراہانی چار ءُ تپاسی ءَ کنگ ءَ انت، وھدیکہ ھما زالبولیں ڈاکٹر کہ آروس ءَ پد وتی گساں بند بوتگ انت آ ھم آن لائن ءَ نادراہانی الاج کنگ ءَ انت۔ آئی ءَ گوشت کہ ڈیجیٹلائزڈ جان سلامتی ءِ مراگش آناں شپ ءِ بدل ءَ شپ ءَ تاں پچ دارگ ءِ کوشست کنگ بیت تانکہ گیش ءَ چہ گیش مردم فائدہ چست بہ کن اَنت، ایندگر شہر آنی تہ ءَ جنین ءِ ڈاکٹر، ذیابیطس، پوست ءُ طبی ماہرین سرجمیں ہفتگ ءَ آن لائن نادراہ آنی علاج کن اَنت۔ وفاقی جان سلامتی ءِ وزیر ءَ الس ءَ را ساپیں آپ ءِ ورگ ءُ ویکسین کنگ ءِ لوٹ کنان ءَ گوشت کہ اے گامگیج آنی وسیلگ ءَ نادراھی آناں کنٹرول کنگ بیت کنت وھدیکہ مات ءِ جان سلامتی ءِ گہتری ءِ واستہ زھگ آنی نیام ءَ جوانیں وھد ءُ پاس سک باز المی اِنت۔ مصطفیٰ کمال ءَ گوشت کہ مزن وزیر محمد شہباز شریف وت جان سلامتی ءِ ھوالگ ءَ جیڈھ آنی سر ءَ مدام چار ءُ بچار کنگ ءَ اِنت ءُ زانتکاری ءِ گرگ ءِ واستہ اکس روان دیگ ءَ اِنت، ایشی ءِ سبب ءَ وزارت جان سلامتی مدام الرٹ اِنت۔ آئی ءَ گوشت کہ اسلام آباد ءَ گوں ترندی ءَ گوں گیشی بوھگ ءَ اِنت، ایشی ءِ رد ءَ جان سلامتی ءَ ھوار توامیں شوبگ آنی تہ ءَ سرجمیں منصوبگ بندی ءِ زوتیں ضلورت اِنت۔ وفاقی جان سلامتی ءِ وزیر ءَ گوشت کہ اے گامگیج بس بندات انت، اے ھور ءِ اولی ٹپ انت ءُ آیوکیں وھد ءَ گیش ٹیلی میڈیسن سنٹر جوڑ کنگ بنت۔ آئی ءَ گوشت کہ دگنیا ءَ 56 ویکسین ایر کنگ بوھگ ءَ انت، وھدیکہ پاکستان ءَ ایوک ءَ 13 ویکسین ایر کنگ بوھگ ءَ انت، اے کمی ءَ را پُر کنگ ءِ واستہ ھم گامگیج کنگ بوھگ ءَ انت۔ آئی ءَ گوشت کہ آیوکیں 15 سال ءَ پد کینسر ءِ نادراھی ءَ کس نہ بیران بیت، البت اگاں کینسر ءِ ویکسین ءِ وڑیں نوکیں درمان سازش ءِ جار جنگ بہ بنت گڈا گران بھائیں جان ءِ گار بوھگ برجاہ بیت۔