پاکستان ءِ جھان ءِ مقابلہ ءِ تہ ءَ دیمروئی کنگ ءَ اِنت بلے انگت ءَ بازیں راہ ءِ دیم ءَ روگی اِنت، وفاقی وزیر پروفیسر احسن اقبال

اسلام آباد۔14جنوری  (اے پی پی): منصوبگ بندی، دیمروئی، اصلاحات ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ پاکستان ایٹمی طاقت بوھگ ءِ گوما مرچی سرجمیں دگنیا ءَ جے ایف 17 ءِ بالی گراب آناں ھم بہا کنگ ءَ اِنت، وھدیکہ ٹریکٹر ءِ جوڑ کنگ ءِ پڑ ءَ ھم مزنیں پیشرفت گندگ بوتگ۔ عالمی سطح ءِ سرا مقابلہ کنگ ءِ ھاترا۔ اسلام آباد ءَ پاکستان پالیسی ڈائیلاگ ءَ گوں تران کنان ءَ آئی ءَ گوشت کہ 1947ءَ چہ 2025ءَ پاکستان ءَ بازیں سوبمندی رستگ، ملک ءَ یونیورسٹی ءُ شاہراہ آنی یک مزنیں نیٹ ورک ءِ جوڑ کنگ بوتگ ءُ دفاعی ءُ صنعتی توانائی گیش بوتگ بلے اگاں دگنیا ءِ گوما مقابلہ کنگ بہ بیت گڈا مئے سوبمندی ءِ تہ ءَ کمی اتکگ، پمیشکا نوں مئے دیم ءَ ڈیسٹینیشن ءِ تہ ءَ چارگ بہ بیت۔ احسن اقبال ءَ یک مثالے دات ءُ گشت کہ 1980 ءَ چین ءِ سرجمیں آمدنی چہ پاکستان ءَ کمتر ات، مرچی مارا چہ دیم ءَ شتگ۔ ھمے رنگ ءَ ویتنام ءِ برآمدات 408ارب ڈالر ءَ سر بوتگ وھدے کہ پاکستان ءِ برآمدات انگت ءَ 40ارب ڈالر ءِ نزیک ءَ اِنت۔ آئی ءَ گوشت کہ چین ءِ سرجمیں آمدنی 14500 ڈالر اِنت وھدیکہ پاکستان ءِ ایوک ءَ 1600 ڈالر اِنت۔ آئی ءَ گوشت کہ جاپان، کوریا، چین، ویتنام، ترکی ءُ بنگلہ دیش ءِ وڑیں ملک امن ءُ ایمنی ءُ پالیسی ءِ برجائی ءَ را اولی ترجی ءَ داتگ وھدیکہ پاکستان ءَ بے رھبندی ءُ بار بار حکومتی بدلی ءَ چہ دیمروئی ءِ عمل ءَ را تاوان رستگ۔ آئی ءِ رد ءَ امن ءُ پالیسی ءِ تسلسل ءَ ابید مھکمیں اقتصادی دیمروئی ممکن نہ اِنت۔ احسن اقبال ءَ اے گپ ءِ پدرائی کت کہ حکومت ءِ مول ءُ مراد پاکستان ءَ را دگنیا ءِ 10 مزنیں معیشت آنی تہ ءَ ھوار کنگ اِنت ءُ ایشی ءِ واستہ چین ءُ پاکستان اقتصادی راہداری ایوک ءَ سڑک ءِ منصوبگ نہ اِنت بلکیں پاکستان ءِ مقدر ءَ را بدل کنگ ءِ یک سرجمیں پروگرامے ۔ آئی ءَ اے گپ ءِ سر ءَ زور پر دات کہ سیاسی اختلاف ءَ چہ ابید اقتصادی پالیشی آنی تہ ءَ تسلسل بہ بیت۔ وفاقی وزیر ءَ ورنا آناں پاکستان ءِ مستریں سرمایہ لیکگ ءِ وھد ءَ گوشت کہ آھاں نوکیں ٹیکنالوجی ءُ ھنر ءَ گوں لیکگ وھد ءِ لوٹ اِنت۔ آئی ءَ گوشت کہ جھان ءِ مارکیٹ ءَ جاگہ ​​جوڑ کنگ ءِ واستہ برآمدات ءِ سر ءَ ھاسیں دلگوشی دیگ لوٹ ایت، پرچا کہ ایوک ءَ ملکی لوٹ ءِ سر ءَ انحصار کنگ ءَ چہ عارضی ششدرسد جی ڈی پی ءِ تہ ءَ گیشی ءِ ھاترا رسگ بیت، بلے اے دراجیں مدتی گیواری نہ اِنت۔ آئی ءَ گوشت کہ ڈالر ءِ کمی ءُ کرنٹ اکاؤنٹ ءِ خسارہ ءِ مستریں سبب برآمدات ءِ تہ ءَ لوٹ اتگیں گیشی ءِ نہ بوھگ اِنت۔ کراچی اسٹاک ایکسچینج ءِ سر ءَ درجیں 523 کمپنی آنی تہ ءَ ایوک ءَ 70 کمپنی آنی برآمدات 10 ہزار ڈالر ءَ چہ گیش اِنت کہ اے جیڑھ ءِ گپ اِنت۔ احسن اقبال ءَ گوشت کہ راجی سلامتی ءُ حاکمیت ءِ یک ھاسیں ستون ءِ رنگ ءَ برآمدات ءَ را سہرا کنگ بہ بیت۔ پاکستان دگنیا ءِ تہ ءَ خرما ءِ پیداوار کنوکیں ملک انت بلے برانڈنگ ءُ پیکیجنگ ءِ کمی ءِ سبب ءَ گلوبل مارکیٹ ءَ ایشی ءَ چہ سرجمی ءَ پائدگ چست کنگ ءِ توان ءَ نہ انت۔ مقامی مارکیٹ ءِ غیر ضروری تحفظ ءَ ہم کمپنیاں چہ عالمی مقابلہ ءَ دور کتگ۔ آئی ءَ گوشت کہ برآمدات ءِ تہ ءَ گیشی ءِ واستہ مارکیٹ انٹیلی جنس، برانڈنگ ءُ پروڈکٹس ءِ موثر پروموشن المی انت، ایشی ءَ چہ گوستگیں وھد ءِ ردی آں چہ دربرگ ءَ چہ ایوک ءَ یک مھکم ءُ وشھالیں پاکستان ءِ بنیات ایر کنگ بوت کنت۔ احسن اقبال ءَ گیش گوشت کہ حکومت ءِ مول ءُ مراد پائیدار دیمروئی ءِ ھاترا جھد کنگ، روزگار ءِ موہ آناں گیش کنگ ءُ معیشت ءَ را جھان ءِ رہبند آنی رد ءَ ھمگرنچ کنگ اِنت۔ اے مول ءُ مراد ءِ واستہ پالیسی ءِ اصلاحات، نجی شعبہ ءِ گوما شریکداری، زالبول ءُ ورنا آنی ھوار بوھگ ءُ نوکیں ٹیکنالوجی ءِ کارمرد کنگ ءَ را اولیت دیگ بوھگ ءَ اِنت۔ آئی ءَ وتی جزم ءِ درشان کت کہ راستیں رھبند ءِ تہ ءَ ھمگرنچیں گامگیج آنی وسیلگ ءَ پاکستان نہ ایوک ءَ وتی صنعتی ءُ دفاعی توانائی آناں گیش مھکم کنت بلکینگ ءَ جھان ءِ مارکیٹ ءِ تہ ءَ مسابقتی پوزیشن ءِ ھم سوبین بیت۔