وشھالی ءِ وسیلگ توان ءُ رسائی نہ اِنت بلکیں وانگ ءُ زانگ، مہارت ءُ پیداواری اِنت، موسمیاتی بدلی ءِ وفاقی وزیر پاکستان پالیسی گپ ءُ تران ءِ بنداتی دیوان ءَ گوں تران

اسلام آباد۔14جنوری  (اے پی پی): موسمیاتی بدلی ءُ چاگردی ہم آہنگی ءِ وفاقی وزیر ڈاکٹر مصدق ملک ءَ گوشت کہ وشھالی ءِ وسیلگ توان ءُ رسائی نہ اِنت بلکیں وانگ ءُ زانگ، مہارت ءُ پیداواری اِنت ءُ حکومت ءِ کوشست آنی سبب ءَ اقتصادی اشاریہ آنی تہ ءَ گہتری اتکگ۔ آئی ءَ اے ھیالانی درشانی چار شمبے ءِ روچ ءَ اسلام آباد ءِ یک لوکل ہوٹل ءَ ’’پاکستان ءِ اقتصادی رھبند ءِ نوکیں رنگ ءَ جوڑ کنگ ‘‘ ءِ سرھال ءَ پاکستان پالیسی ڈائیلاگ ءِ بنگیجی دیوان ءَ گوں تران کنان ءَ کت۔ پاکستان پالیسی گپ ءُ تران پالیسی پٹ ءُ پولی ءُ مشاورتی کونسل ءِ چیردستی ءَ برجم دارگ بوت، ایشی ءِ تہ ءَ مزنیں تک ءِ سرکاری کارندہ ءُ کارندہ آں بہر زرت۔ وفاقی وزیر ءَ پالیسی گپ ءُ تران ءَ گوں تران کنان ءَ ملک ءِ اقتصادی ریکوری ءَ پالیسی ءِ یکوئی ءِ سر ءَ زور پر دات ءُ گوشت کہ پاکستان ءَ وشھالی ءِ راہ ایوک ءَ اقتدار ءُ اثر ءُ رسوخ ءِ رسائی جوڑ بوتگ۔ وشحالی ءِ یکیں راہ پیداواری ءِ تہا گیشی اِنت۔ وشحالی ءِ منبع اقتدار ءُ رسائی نہ اِنت بلکیں وانگ ءُ زانگ، مہارت ءُ پیداواری اِنت۔ آئی ءَ گوشت کہ برآمد ءِ سروکی ءَ دیمروئی پائیدار دیمروئی اِنت، نجکاری نظریاتی منصوبگ نہ اِنت، مارکیٹ ءِ ناکامی آناں راست کنگ ءِ راہ اِنت۔ ڈاکٹر مصدق ملک ءَ گوشت کہ ریاست ءَ کاروبار ءِ چلائینگ ءِ بدل ءَ آسراتی ءِ کرد پیلو کنگی اِنت۔ دیمروی ہما وھد ءَ بیت کہ ہر شہری ءَ را کار ءِ واستہ برابریں موہ دیگ بہ بنت۔ آئی ءَ گوشت کہ حکومتی کوشست آں چہ اقتصادی اشارہ آناں گہتر کتگ، ملکی معیشت ءَ جندی شوبگ ءِ کرد المی انت، ٹیلنٹ ءُ صلاحیت ءِ بنیات ءَ مردم آناں دیم ءَ جنزگ ءِ موہ دیگ بہ بیت۔