نائب مزن وزیر محمد اسحاق دار ءَ تیل ءُ گیس ءِ شوبگ ءِ انوگیں نرخ ءِ ڈھانچہ ءِ سر ءَ چار ءُ تپاسی ءِ واستہ بین وزارتی کمیٹی ءِ دیوان ءِ سروکی

اسلام آباد۔14جنوری  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ چار شمبے ءِ روچ ءَ بین وزارتی کمیٹی ءِ دیوان ءِ سروکی ءَ تیل ءُ گیس ءِ شوبگ ءِ استیں نرخ ءِ ڈھانچہ ءِ سر ءَ چار ءُ تپاسی کت۔ نائب مزن وزیر کارگس ءِ نیمگ ءَ جاڑی بوتگیں بیان ءِ رد ءَ کمیٹی ءَ پٹرولیم ءِ پالیشی ءِ چیر دستی ءَ پرائسنگ فریم ورک ءِ سر ءَ ھیال ریچی کنگ بوتگ۔ باسکاں استیں کار رپک ءِ سر ءَ چار ءُ تپاسی کت ءُ توانائی ءَ را گیش سستی، پائیدار ءُ شوبگ ءِ سرجمیں کارکردگی ءَ را گہتر کنگ ءِ مول ءُ مراد ءِ رد ءَ اصلاحات ءِ آپشنز آنی سر ءَ ھیال ءُ لیکہ کت۔ نائب مزن وزیر ءُ وزیر ءِ درئی کار ءَ پاکستان ءِ توان ءِ منڈی آنی تہ ءَ شفافیت ءُ کارآمدی ءَ را دل یکیمی کنگ ءِ واستہ حکومت ءِ جزم ءِ سر ءَ زور پر دات۔ گند ءُ نند ءَ بین صوبائی رابطہ، بجلی ءُ پٹرولیم ءِ وفاقی وزیر، مزن وزیر ءِ ھاسیں کمکار طارق باجوہ ءُ بلال اظہر کیانی ءِ ھوار نجکاری ءِ ھوالگ ءَ مشیر، نیشنل کوآرڈینیٹر ایس آئی ایف سی، پاور سیکٹر ٹاسک فورس  ءِ سروک ءُ چیئرمین ایف بی آر ءَ بھر زوری کت۔