اسلام آباد۔ 14 جنوری (اے پی پی) نائب وزیراعظم و وزیرخارجہ سینیٹر محمد اسحاق ڈار چارشنبے نادے آ داڑے بین الوزارتی کمیٹی نا دیوان نا کماشی ءِ کرے ہراٹی تیل و گیس انا بشخ انا ساڑی آ نہاد آتا پنجر نا جاچ ءِ ہلنگا۔ نائب وزیراعظم نا آفس آن جاری بیان نا رداٹ کمیٹی قابل اطلاع پیٹرولیم پالیسی نا رداٹ نہاد آتا تعین نا فریم ورک آ گپ وتران …
نائب وزیراعظم محمد اسحاق ڈار نا کماشی ٹی بین الوزارتی کمیٹی نا دیوان، تیل وگیس انا بشخ انا ساڑی آ نہاد آتا پنجر نا جاچ ءِ ہلنگا
گیشتریں ھال
اسلام آباد۔ 14 جنوری (اے پی پی) نائب وزیراعظم و وزیرخارجہ سینیٹر محمد اسحاق ڈار چارشنبے نادے آ داڑے بین الوزارتی کمیٹی نا دیوان نا کماشی ءِ کرے ہراٹی تیل و گیس انا بشخ انا ساڑی آ نہاد آتا پنجر نا جاچ ءِ ہلنگا۔ نائب وزیراعظم نا آفس آن جاری بیان نا رداٹ کمیٹی قابل اطلاع پیٹرولیم پالیسی نا رداٹ نہاد آتا تعین نا فریم ورک آ گپ وتران کرے۔ باسک آک ساڑی آ وڑوڈول نا جاچ ءِ ہلکر و ہمو اصلاحی آپشن تیا غور کریر ہرافتا مسخت توانائی ءِ زیات اڑزان ، پائیدار و بشخ اناجم کارکڑد ءِ گچین کننگ ءِ۔ نائب وزیراعظم ووزیرخارجہ پاکستان نا توانائی منڈی تیٹی شفافیت و گچینی ءِ پک کننگ کن حکومت نا عزم انا درشانی ءِ کرے۔ دیوان اٹی بنجائی وزیربین الصوبائی رابطہ ، بجلی و پیٹرولیم، وزیراعظم نا خصوصی کمکار طارق باجوہ و بلال اظہر کیانی آن بیدس سلاہکار نجکاری، نیشنل کوآرڈینیٹر ایس آئی ایف سی، پاور سیکٹر ٹاسک فورس انا سروک و چیئرمین ایف بی آر بشخ ہلکر۔
