شہید بے نظیر بھٹو پہ درستیں مکتب فکر ءَ اُمیت ءُ دلیری ءِ علامت بوتگ، آئی ءَ مدام راج ءِ حقانی ھاترا وتی توار چست کتگ، سید یوسف رضا گیلانی

اسلام آباد۔ 30 دسمبر (اے پی پی): سینیٹ ءِ چیئرمین سید یوسف رضا گیلانی ءَ شہید بے نظیر بھٹو ءَ را بادشاہی ءِ درشانی کتگ ءُ گشتگ آئی ءِ شہیدی نہ ایوک ءَ پاکستان ءِ واستہ بلکینگ ءَ جھانی براتی ءِ واستہ ناقابل برداشتیں تاوان انت۔ شہید بے نظیر بھٹو پہ درستیں مکتب فکراں اُمیت ءُ ہمت ءِ علامت بوتگ ءُ آئی ءَ مدام راج ءِ حقانی ہاترا وتی توار چست کتگ۔ آئی ءَ وتی پت شہید ذوالفقار علی بھٹو ءِ مشن ءَ گوں دلیری، استقامت ءُ وژن ءَ دیم ءَ برت۔ اے ھیالانی درشانی آئی ءَ شہید بے نظیر بھٹو ءِ شھید بوھگ ءِ ھژدہمی سالروچ ءِ درگت ءَ بے نظیر انکم سپورٹ پروگرام (بی آئی ایس پی) ءِ نیمگ ءَ برجم داشتگیں مراگش ءَ ھاسیں مہمان ءِ بستار ءَ گشتانک دیان ءَ کت۔ اے موہ ءِ سر ءَ چیئرپرسن بے نظیر انکم سپورٹ پروگرام ءِ سینیٹر روبینا خالد، سیکرٹری عامر علی احمد، بی آئی ایس پی ءِ افسر ءُ کارندہ ھوار اتنت۔ چیئرمین سینیٹ ءَ گوشت کہ بے نظیر انکم سپورٹ پروگرام شہید محترمہ بے نظیر بھٹو ءِ ویژن ءُ الس دوستی سوچ ءِ عملی درشان اِنت۔ اے پروگرام ءَ چہ مستحقیں ھاندان ءِ جنین آدماں توانمند کنگ بوتگ، آھاں لوگ ءِ سروک ءِ بستار داتگ ءُ شہری ءِ پجار، مالی کارانی تہ ءَ بھر زوری ءُ شناسنامہ ءِ وسیلگ ءَ رأی ءِ حق ءَ را مھکم کتگ۔ آئی ءَ گوشت کہ مستحقیں زالبول آنی اقتصادی آجوئی ءِ واستہ بی آئی ایس پی ءِ کرد کلیدی اِنت ءُ ایشی ءِ برجائی وھد ءِ ضلورت اِنت۔ اے موہ ءِ سر ءَ بی آئی ایس پی ءِ چیئرپرسن سینیٹر روبینہ خالد ءَ گوشت کہ شھید محترمہ بے نظیر بھٹو نہ ایوک ءَ پاکستان ءِ زالبول آنی واستہ بلکینگ ءَ سرجمیں دگنیا ءِ زالبول آنی واستہ رژن ءِ چراگ انت۔ زالبول ءَ وتی تاگت، دلیری ءُ فکری آجوئی بی بی شھید ءِ نام ءَ گِر اِیت۔ آئی ءَ گوشت کہ بی آئی ایس پی ءَ گوستگیں 18سال ءَ چہ محترمہ بے نظیر بھٹو ءِ وژن ءِ سر ءَ عمل کنگ ءَ انت ءُ مرچی یک کروڑ ءَ چہ گیش مستحقیں زالبول اے پروگرام ءَ چہ سیت چست کنگ ءَ انت۔ سینیٹر روبینا خالد ءَ گوشت کہ دگنیا ءِ راجدپتر ءَ اولی رند ءَ صدر ءُ مزن وزیر ءِ ہدایت ءِ سر ءَ سوشل پروٹیکشن والٹ ءِ وسیلگ ءَ مالیاتی نظام ءِ تہ ءَ یک کروڑ مستحقیں زالبول آناں بااختیار ھوار کنگ ءَ را دل یکیمی کنگ بوھگ ءَ اِنت۔ آئی ءَ گوشت کہ یک کروڑ ءَ چہ گیش بیست لکھ زھگ بے نظیر ایجوکیشنل اسکالرشپ ءِ چیر دستی ءَ اسکالرشپ رسگ ءَ اَنت، وھدیکہ بے نظیر ہنرمند پروگرام ءُ بے نظیر نشون پروگرام زالبول، مات ءُ زھگ آنی وشھالی ءِ واستہ ھاسیں گامگیج اَنت، اے بی آئی ایس پی ءِ سوبمندی آنی ھاسیں گواہ اَنت۔ آئی ءَ اے عزم ءِ یک رندے پدا گوشت کہ زالبول آنی ھک، چاگردی سلامتی ءُ اقتصادی آجوئی ءِ واستہ ھزمت آنی اے سفر بے نظیر انکم سپورٹ پروگرام ءِ پلیٹ فارم ءِ وسیلگ ءَ برجاہ بیت۔ مراگش ءِ ساھت ءَ بی آئی ایس پی افسر ایسوسی ایشن ءِ صدر سردار اعظم ءَ شہید محترمہ بے نظیر بھٹو ءَ را ھم یات کت۔ اے موہ ءِ سر ءَ شھید مھترما ءِ یات ءَ شئر ءُ سوت ھم پیش کنگ بوت اَنت۔ مراگش ءِ گڈ ءَ بی آئی ایس پی ءِ چیئرپرسن سینیٹر روبینہ خالد ءَ سینیٹ ءِ چیئرمین سید یوسف رضا گیلانی ءَ را یاتگاری شیلڈ ءِ دات۔