نائب مزن وزیر اسحاق ڈار ءِ سروکی ءَ نجکاری برائے کابینہ کمیٹی ءَ نجکاری ءِ عمل ءَ را زوت آسر کنگ ءِ واستہ وھد ءِ سر ءَ گامگیج زورگ ءِ سر ءَ زور پر دات

اسلام آباد۔ 30دسمبر (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءِ سروکی ءَ کابینہ ءِ نجکاری ءِ بابت ءَ کمیٹی ءِ برجم دارگ بوت۔ وزارت ءِ نجکاری ءِ سیکرٹری ءَ پی آئی اے ءِ نجکاری ءِ ھاتر ءَ آیوکیں کارروائی منصوبگ ءِ بابت ءَ سرجمیں بریفنگ دات۔ نجکاری ءِ ھوالگ ءَ کابینہ کمیٹی ءَ پی آئی اے ءِ 75درسد شیئر آنی واستہ عارف حبیب کنسورشیم ءِ سروکی ءَ کنسورشیم ءِ 135ارب کلدار ءِ بولی ءِ توثیق کتگ ءُ منظوری ءِ واستہ کابینہ ءَ را سفارش کتگ۔ درئی کارانی کارگس ءِ نیمگ ءَ جاڑی بوتگیں بیان ءِ رد ءَ گند ءُ نند ءَ نائب مزن وزیر ءَ توامیں سیادی داروکیں فریق آناں زور پر دات کہ آ ھمے امیت ءُ واھشت ءِ گوما نجکاری ءِ عمل ءَ را زوت آسر کنگ ءِ واستہ وھد ءِ سر ءَ گامگیج بہ زور اَنت تانکہ پی آئی اے اے گامگیج ءَ گوں وتی زرین دور ءَ پد ءَ دست بہ جنت۔ گند ءُ نند ءِ تہ ءَ وزیر توانائی، نجکاری، صنعت ءُ پیداوار ءِ ھوالگ ءَ مزن وزیر ءِ مشیر، مزن وزیر ءِ ھاسیں کمکار طارق باجوہ، بلال کیانی، کابینہ ءِ وفاقی سیکرٹری، نجکاری، دفاع، کانود، توانائی، کمیشن برائے نجکاری، صنعت ءُ پیداوار ءِ سیادی داروکیں محکمہ ءِ دگہ سینئر آنی بھر زوری بوتگ۔