اسپیکر قومی اسمبلی سردار ایاز صادق نا ہیبت الحلبوسی ءِ عراقی پارلیمنٹ نا اسپیکر گچین مننگ آ مبارکباد

اسلام آباد۔ 30 دسمبر (اے پی پی) اسپیکر قومی اسمبلی سردار ایاز صادق ہیبت الحلبوسی ءِ جمہوریہ عراق نا کونسل آف ریپریزنٹیٹوز نا اسپیکر گچین مننگ آ مبارکبادی پیش کرینے۔ تینا بیان اٹی اسپیکر قومی اسمبلی پارے کہ ہیبت الحلبوسی نا اسپیکر نا وڑاٹ گچین کاری عراق نا پارلیمنٹ و الس نا اوڑآ پت انا ڈیک ءِ۔ اودااومیت نا درشانی ءِ کرے کہ ہیبت الحلبوسی نا کماشی ٹی عراقی پارلیمنٹ عراق نا الس نا راجی آسودہی ، جمہوری قدر و شفاف حکمرانی نا مون آ دننگ اٹ گچین کڑد ادا کیک۔ اسپیکر سردار ایاز صادق پارے کہ پاکستان و عراق نا نیام اٹ متکن آ تعلقداری اسیجائی مذہب، تین پہ تینی شرف و ایلمی نا سوگو بنداوآٹی ءِ۔ اوداپت انا درشانی ءِ کرے کہ پوسکن گچین مروک آ عراقی اسپیکر نا کماشی ٹی ہڑتوم آ ایلم ملک آتا نیام اٹ پارلیمانی رابطہ پین سوگو و تین پہ تینی کمکاری نا پوسکن آوارخواہی ودی مریک ہراڑآن ہڑتوم آملک آتا الس فائدہ ہرفک۔ اسپیکر ہیبت الحلبوسی کن نیک است خواہی و پت انا درشانی ءِ کرسا پارے کہ او تینا زمواری تے بطور اسپیکر جوانی اٹ سرترسا عراقی الس کن امن ، شونداری و شونہالی نا مون آ دننگ اٹ گچین کڑد ادا کیک۔