نائب مزن وزیر اسحاق ڈار ءَ نجکاری کمیٹی ءِ دیوان ءِ سروکی کت، نجکاری ءِ عمل ءَ را زوت آسر کنگ ءِ واستہ وھد ءِ سر ءَ گامگیج زورگ ءِ لوٹ

اسلام آباد۔30دسمبر  (اے پی پی): نائب مزن وزیر ءُ درئی کارانی وزیر ایس محمد اسحاق ڈار ءِ سروکی ءَ نجکاری کمیٹی ءِ دیوان برجم دارگ بوت۔ سیکرٹری وزارت نجکاری ءَ پی آئی اے ءِ نجکاری ءِ آیوکیں ایکشن پلان ءِ بابت ءَ سرجمیں بریفنگ داتگ۔ نجکاری کمیٹی ءَ پی آئی اے ءِ 75درسد شیئر ءِ واستہ عارف حبو کنسورشیم ءِ سروکی ءَ کنسورشیم ءِ 135ارب کلدار ءِ بولی ءِ توثیق کتگ ءُ ایشی ءِ منظوری ءِ واستہ کابینہ ءَ را سپارش  کتگ۔ دری کارانی کارگس ءِ نیمگ ءَ جاڑی بوتگیں بیان ءِ رد ءَ گند ءُ نند ءَ نائب مزن وزیر ءَ توامیں سیادی داروکیں فریق آناں زور پر دات کہ آ ھمے امیت ءُ واھشت ءِ گوما نجکاری ءِ عمل ءَ را زوت آسر کنگ ءِ واستہ وھد ءِ سر ءَ گامگیج بہ زور اَنت تانکہ پی آئی اے وتی زرین دور ءَ داخل بہ بیت۔ گند ءُ نند ءِ تہ ءَ وزیر توانائی، مزن وزیر ءِ نجکاری، صنعت ءُ پیداوار ءِ ڈائریکٹر، مزن وزیر ءِ ھاسیں کمکار طارق باجوہ، بلال کجانی، کابینہ، نجکاری، دفاع، کانود، توانائی ءِ کمشنر، نجکاری ءِ کارگس ءُ صنعت ءُ  پیداوار ءُ سیادی داروکیں کارندہ آں  بھر زوری کت۔