وفاقی وزیر خزانہ محمد اورنگزیب ءَ سی جی ٹی این ءَ گوں تران کنان ءَ گوشت کہ پاکستان پانڈا بانڈز ءِ جاری کنگ ءَ تیار اِنت، پاک چین ءُ اقتصادی شریکداری نوکیں پڑ ءَ داخل بوتگ

اسلام آباد۔30دسمبر  (اے پی پی): وفاقی وزیر ءِ ھزانگ ءُ آمدنی ءِ لیکہ محمد اورنگزیب ءَ گوشت کہ پاکستان آیوکیں لھتیں ھپتگ آنی تہ ءَ سرمایہ کاری مارکیٹ ءَ پانڈا بانڈ جاری کنگ ءِ واستہ تیار اِنت ءُ اے گامگیج پاکستان ءُ چین ءِ نیام ءَ مالیاتی ءُ اقتصادی سیادی ءَ را گیش مھکم کنگ ءِ واستہ یک ھاسیں گامگیج اِنت۔ آئی ءَ اے گپ چائنا گلوبل ٹیک ویژن نیٹ ورک ءَ گوں تران کنان ءَ گوشت اَنت۔ وزیر ءِ ھزانگ ءَ گوشت کہ پاکستان ءُ چین ءِ نیام ءَ دو نیمگی سیادی مدام مھکم، برجائی ءُ تنوع ءِ تہ ءَ ھوار بوھگ ءَ انت ءُ نوں اے سیادی ایوک ءَ بنیاتی ڈھانچگ ءَ گوں بندوک نہ انت بلکینگ ءَ یک مزنیں مارکیٹ ءِ سر ءَ بنیات ءِ سر ءَ اقتصادی شریکداری ءِ تہ ءَ بدل بوتگ انت۔ وزیر خزانہ ءَ چین ءَ را پاکستان ءِ مستریں تجارتی شریک لیکگ ءِ وھد ءَ گوشت کہ اے سال ءِ اولی ھشت ماہ آنی تہ ءَ دوئیں ملک آنی نیام ءَ تجارتی کساس ءِ کساس 17ارب امریکی ڈالر ءَ سر بوتگ۔ آئی ءَ گوشت کہ پاک چین ءِ سیادی دہائیاں چہ مُدام مھکم بوھگ ءَ انت ءُ ھمک میاں اوستمانی دیوان ءَ چین ءَ پاکستان ءِ سرجمی ءَ کمک کتگ۔ پاکستان ءِ اقتصادی دیمروئی ءِ تہا چین ءِ کرد سک باز المی بوتگ ھاسیں رنگ ءَ چین ءُ پاکستان ءِ اقتصادی راہداری ءِ وسیلگ ءَ کہ بیلٹ اینڈ روڈ انیشیٹیو ءِ یک پرچم برداریں منصوبگ اِنت۔ سی پیک ءِ اولی بھر ءَ سڑک، بندرگاہ، بالی پٹ ءُ توان ءِ منصوبگ آنی وڑیں بنیاتی ڈھانچگ ءِ منصوبگ آنی سر ءَ دلگوشی دیگ بوتگ وھدیکہ سی پیک ءِ دومی بھر ءَ اے سال ءَ صدر شی جن پنگ ءُ مزن وزیر لی کی کیانگ ءِ گوما مزن تک ءِ گند ءُ نند ءَ پد باقاعدہ بندات کنگ بوتگ۔ سی پیک ءِ دلگوشی استیں انفراسٹرکچر ءَ را معاشی رد ءَ زندگ دارگ ءِ سر ءَ اِنت ءُ اے پڑ گیشتر کاروباری کمک ءِ سر ءَ بندوک اِنت کہ اے نجی شعبہ ءِ سروکی ءَ پائیدار دیمروئی ءِ نیمگ ءَ یک ھاسیں گامگیج اِنت۔ پاکستان ءِ اقتصادی اولویت آنی بابت ءَ جست ءُ پرس ءِ سر ءَ سیکرٹری محمد اورنگزیب ءَ گوشت کہ کشت ءُ کشاری، معدنیات ءُ کان کنی، مصنوعی ذہانت ءُ ڈیٹا مشترکہ دمگ ھما اَنت کہ ایشی ءِ تہ ءَ سرمایہ کاری ءَ را ترندی ءَ گوں گیشی بوھگ ءَ اِنت۔ اے پڑ ءَ کمک ایوک ءَ سرمایہ کاری ءَ گوں بندوک نہ اِنت بلکیں زانت ءِ دیم دیگ ءُ تکنیکی کمک ءَ را ھم ھاسیں ارزشت دیگ بوھگ ءَ اِنت۔ آئی ءَ گوشت کہ ھزاراں پاکستانی کشت ءُ کشاری ءِ گریجویٹ چیٹ یونیورسٹی آنی تہ ءَ داخلہ کنگ بوتگ انت تانکہ آ جدید کشت ءُ کشاری رپک آنی وانگ ءَ پد پاکستان ءَ واتر بہ بنت ایشی ءَ چہ ملک ءِ کشت ءُ کشاری شوبگ ءَ را نوک کنگ ءُ ایشی ءِ پیداواری ءِ تہ ءَ گیشی ءَ کمک رسیت۔ وزیر ءِ ھزانگ ءَ ھواوے ءِ وڑیں مزنیں ٹیکنالوجی کمپنی آنی کرد ءَ را ساڑات ءُ گوشت کہ اے کمپنی ھزاراں پاکستانی آئی ٹی گریجویٹ آناں تربیت دیگ ءَ اَنت، اے پاکستان ءِ گیش دیمروئی ءِ واستہ مزنیں جوانیں موڑ بوت کنت۔ وزیر ءِ ھزانگ ءَ جھان ءِ اقتصادی جاور ھال، جیو پولیٹیکل کشیدگی ءُ گیش بوھوکیں تحفظ پسندی ءِ رجحان آنی بابت ءَ گپ ءُ تران کنان ءَ گوشت کہ پاکستان ءِ پالیشی چین ءِ گوما دیریں شریکداری ءَ را گیش مھکم کنگ ءِ سر ءَ دلگوشی دیگ بوتگ۔ چین ءِ کمک ایوک ءَ تجارت ءُ سرمایہ کاری ءَ گوں بندوک نہ بوتگ بلکیں آئی ایم ایف ءِ پروگرام ءِ رد ءَ ھم نازرکیں اقتصادی وھد آنی تہ ءَ پاکستان ءِ کمک ءِ تہ ءَ مزنیں کردے پیلو کتگ۔ وزیر ءِ ھزانگ ءَ گوشت کہ پانڈا بانڈز ءِ جاری کنگ ءَ چہ پاکستان ءَ را دگنیا ءِ دومی مزنیں ءُ گہتریں سرمایہ کاری مارکیٹ ءَ رسائی رس ایت، ایشی ءَ چہ امریکی ڈالر ءِ سر ءَ بڈو بوھگ ءَ را کم کنگ ءَ کمک رسیت ءُ یورو ءُ سکوک مارکیٹ ءِ گوما وتی مالی کمک ءِ وسیلگ آناں دیم ءَ برگ ءَ کمک رسیت۔ آئی ءَ من اِت کہ گوستگیں وھد ءَ پاکستان اے مارکیٹ ءَ چہ سرجمی ءَ نپ چست نہ کتگ بلے نوں اے چیک سرمایہ کار آنی نیمگ ءَ چہ جوانیں پسو ءِ اُمیت اِنت۔ آیوکیں منظر نامہ ءِ ھوالگ ءَ وزیر ءِ ھزانگ ءَ گوشت کہ نوں پاکستان ءُ چین ءِ نیام ءَ یک ھاسیں اسٹریٹجک ءُ اقتصادی روڈ میپ ءِ است انت ایشی ءِ سر ءَ گوستگیں مزن تک ءِ دو نیمگی گند ءُ نند ءَ پد تپاک کنگ بوتگ ایشی ءِ تہ ءَ شنگھائی کمکی گل ءِ سروک دیوان ءِ ساھت ءَ تیانجن ءَ برجم داشتگیں گند ءُ نند ھم ھوار انت۔ آئی ءَ گوشت کہ دوئیں ملک نہ ایوک ءَ جغرافیائی ءُ سیاسی اولیت آنی سر ءَ یکوئی ءَ اَنت بلکینگ ءَ دراجیں مدتی اقتصادی ایجنڈا ءِ سر ءَ ھم تپاک کنگ ءَ اَنت ایشی ءَ چہ آیوکیں سال آنی تہ ءَ پائیدار، دراجیں مدتی ءُ اسٹریٹجک کمک ءِ بنیات ءَ پاک چین ءِ شریکداری ءَ را گیش مھکم کنگ بیت۔