نائب مزن وزیر اسحاق ڈار ءَ نجکاری کمیٹی ءِ دیوان ءِ سروکی کت، نجکاری ءِ کار  ءَ را زوت آسر کنگ ءِ واستہ وھد ءِ سر ءَ گامگیج زورگ ءِ لوٹ

اسلام آباد۔30دسمبر  (اے پی پی): نائب مزن وزیر ءُ درئی کارانی وزیر سینیٹر  محمد اسحاق ڈار ءِ سروکی ءَ نجکاری کمیٹی ءِ دیوان برجم دارگ بوت۔ وزارت نجکاری ءِ سیکرٹری ءَ پی آئی اے ءِ نجکاری ءِ آیوکیں ایکشن پلان ءِ بابت ءَ سرجمیں بریفنگ داتگ۔ نجکاری ءِ بابت ءَ کابینہ کمیٹی ءَ پی آئی اے ءِ 75درسد شیئر ءِ واستہ عارف حبیب کنسورشیم  ءِ سروکی ءَ کنسورشیم ءِ   135ارب کلدار ءِ بولی ءِ منظور  کتگ ءُ منظوری ءِ واستہ کابینہ ءَ را سپارش  کتگ۔ درئی کارانی کارگس ءِ نیمگ ءَ جاڑی بوتگیں بیان ءِ رد ءَ گند ءُ نند ءَ نائب مزن وزیر ءَ توامیں سیادی داروکیں پریک  آناں زور پر دات کہ آ ھمے اُمیت ءُ واھشت ءِ گوما نجکاری ءِ عمل ءَ را زوت آسر کنگ ءِ واستہ وھد ءِ سر ءَ گامگیج بہ زور اَنت تانکہ پی آئی اے اے گامگیج ءَ گوں وتی زرین دور ءَ داخل بہ بیت۔ گند ءُ نند ءِ تہ ءَ وزیر توانائی، مزن وزیر ءِ نجکاری، صنعت ءُ پیداوار ءِ ڈائریکٹر، مزن وزیر ءِ ھاسیں کمکار طارق باجوہ، بلال کیانی ، کابینہ ءِ وفاقی سیکرٹری، نجکاری، دفاع، کانود، توانائی، کمشنر برائے نجکاری ءِ کارگس،   صنعت ءُ پیداوار  ءُ   سیادی داروکیں  ڈیپارٹمنٹ ءَ بھر زوری کت۔