اسلام آباد۔ 30 دسمبر (اے پی پی) نائب وزیراعظم و وزیرخارجہ سینیٹر محمد اسحاق ڈار تون اقوام متحدہ ٹی پاکستان نا آخبتی نمائندہ عاصم افتخار سے شنبے نادے آ داڑے دفترخارجہ ٹی اوڑدہی کرے و جہانی ادارہ ٹی تینا اختہ ئی تا بارواٹی معلومدارکرے۔ ترجمان دفترخارجہ نا کنڈآن جاری بیان نا رداٹ عاصم افتخار نائب وزیراعظم ءِ نیویارک اٹی پاکستانی مشن خاص کر اقوام متحدہ نا سلامتی کونسل و …
نائب وزیراعظم ووزیرخارجہ سینیٹر محمد اسحاق ڈار تو ن اقوام متحدہ ٹی پاکستان نا آخبتی نمائندہ عاصم افتخار نا اوڑدہی
اسلام آباد۔ 30 دسمبر (اے پی پی) نائب وزیراعظم و وزیرخارجہ سینیٹر محمد اسحاق ڈار تون اقوام متحدہ ٹی پاکستان نا آخبتی نمائندہ عاصم افتخار سے شنبے نادے آ داڑے دفترخارجہ ٹی اوڑدہی کرے و جہانی ادارہ ٹی تینا اختہ ئی تا بارواٹی معلومدارکرے۔ ترجمان دفترخارجہ نا کنڈآن جاری بیان نا رداٹ عاصم افتخار نائب وزیراعظم ءِ نیویارک اٹی پاکستانی مشن خاص کر اقوام متحدہ نا سلامتی کونسل و ایلو ادارہ غاتیٹی تینا اختہ ئی تا بارواٹی معلومدار کرے۔ اوجموں و کشمیر و فلسطینی کاز اتون اوار کثیر الجہتی فورم تیا پاکستان نا خارجہ پالیسی نا اہم اولیت پیش کننگ کن مشن نا پدریسہ و آخبتی کوشست آتے ہم مون آ تخا۔ داوخت آ نائب وزیراعظم و وزیرخارجہ سینیٹر محمد اسحاق ڈار جہانی امن ، سلامتی و اقتصادی شونداری نا دوئی کننگ اٹ اقوام متحدہ و کثیر الجہتی ادارہ غاتا اہمیت آ زور شاغا۔
