بنجائی وزیر محمد حنیف عباسی نا 38 لکھ روپئی ءِ پدی تروک آ ریلوائی پولیس کارندہ کن نغد انعام نا پڑو

اسلام آباد۔ 30 دسمبر (اے پی پی) بنجائی وزیر ریلوائی محمد حنیف عباسی ریلوائی پولیس نا کانسٹیبل راؤ شریف نا کنڈآن ایمانداری نا بڑزکو درور اس قائم کننگ آ اودے اسہ لکھ روپئی نغد انعام تننگ نا پڑو کرینے۔ وزیرریلوائی پیدوار کرے کہ او دا انعامی زر ءِ تینا جیب آن ایتک تانکہ فرض شناس کارندہ غاتا است بڈی ءِ کننگ مرے۔ کانسٹیبل راؤ شریف ءِ ڈیوٹی ٹی ٹرین آن پیسہ غاتیان پُر اسہ بیگ اس ملاسس، ہراٹی 38 لکھ روپئی نا بھلو زر اس ساڑی ئس۔ ہندا بیگ کراچی نا اسہ پوریاگر محسن نا ئس، ہرادے راؤ شریف پورو دیانتداری اٹ اصل مالک ءِ پٹسا روہڑی اسٹیشن آ اونا دُوٹی تس۔ بنجائی وزیر محمد حنیف عباسی کانسٹیبل راؤ شریف ءِ زبردست خراج تحسین پیش کرساپارے کہ راؤ شریف کون آ ایماندار و فرض شناس مخلوق ہی ریلوائی نا اصل دروشم آک ءُ۔ اوپارے کہ ایمانداری و فرض شناسی ریاستی ادارہ غاتا اصل واک مریک و داوڑنا گام گیج آتیان سرکاری ادارہ غاتیا الس نا پت اٹی پین ودکی مریک۔