چینی سفیر ءَ نائب مزن وزیر اسحاق ڈار ءَ گوں گند ءُ نند کت، ون چین پالیسی ءَ ھوار درستیں بنیاتی جیڈھ آنی سر ءَ پاکستان ءِ چین ءِ بے مٹیں کمک ءِ درشان ءَ کنت

اسلام آباد۔ 29 دسمبر (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ یک چین پالیشی ءَ ھوار درستیں بنیاتی جیڈھ آنی سر ءَ چین ءِ واستہ پاکستان ءِ بے دروریں کمک ءِ یک رندے پدا گوشت۔ دو شمبے ءِ روچ ءَ وزارت ءِ درئی کار ءِ نیمگ ءَ جاڑی بوتگیں بیان ءِ رد ءَ چین ءِ راج دپتر ءِ سفیر جیانگ زے تنگ ءَ نائب مزن وزیر ءُ درئی کارانی وزیر اسحاق ڈار ءَ گوں گند ءُ نند کتگ۔ اے موہ ءِ سر ءَ چینی سفیر ءَ چینی وزیر ءِ درئی کار وانگ یی ءِ نیمگ ءَ نائب مزن وزیر ءُ دری کارانی وزیر ءَ را نوکیں سال ءِ مبارکی ءُ نیکیں واھگ آناں سر کت۔ نائب مزن وزیر ءُ وزیر ءِ درئی کار ءَ پاکستان ءِ سرزمین یکوئی، وت واجہی ءُ راجی دیمروئی ءِ واستہ چین ءِ مھکمیں ءُ مُدامی کمک ءَ را ساڑات۔ نائب مزن وزیر ءُُ دری کارانی وزیر ءَ یک چین ءِ پالیشی ءَ ھوار درستیں بنیاتی جیڈھ آنی سر ءَ چین ءِ واستہ پاکستان ءِ بے دروریں کمک ءِ یک رندے پدر کت۔ آئی ءَ اے گپ پدر کت کہ پاکستان چین ءِ نمائندگی کنوکیں یکیں جائزیں حکومت ءِ رنگ ءَ راج دپتر چین ءَ را من ایت ءُُ تائیوان ءَ را چین ءِ نا بہر ءُُ بانگیں بہر لیک ایت۔ گند ءُ نند ءِ ساھت ءَ دوئیں نیمگ ءَ پاکستان ءُ چین ءِ دو نیمگی سیادی آنی سرجمیں جاورھال آنی سر ءَ چار ءُ تپاسی کنگ بوت ءُ اے گپ ءِ سر ءَ تپاک کت کہ پاکستان ءُ چین ءِ اسٹریٹجک شریکداری پاکستان ءِ دری پالیشی ءِ بنیاتی ستون اِنت ءُ پڑ ءَ امن ءُ ایمنی ءِ ضمانت اِنت۔