جان سلامتی ءِ نظام ءَ نوکیں چیز آرگ بوھگ ءَ انت، پاکستان ءَ پولیو ءَ ابید تقریباً ھمک نادراہی ءِ علاج است انت، وتی زھگاں پولیو ءِ ڈراپ دیگ المی انت، وفاقی وزیر سید مصطفی کمال

اسلام آباد۔ 29 دسمبر (اے پی پی): راجی جان سلامتی ءِ وفاقی وزیر سید مصطفیٰ کمال ءَ گوشت کہ جان سلامتی ءِ نظام ءَ نوکیں چیز آرگ بوھگ ءَ انت، پاکستان ءَ نزیک ءَ ھرچ نادراھی ءِ علاج است انت بلے پولیو ءِ نہ انت، زھگ آناں پولیو ءِ ڈراپ دیگ المی انت، پاکستان ءَ پولیو ءِ وائرس انگت است انت۔ وتی بیان ءِ دیما تران کنان ءَ آئی ءَ گوشت کہ مارا کمیں وھد ءِ تہ ءَ گیش کار کنگی انت، پاکستان ءِ میڈیکل سسٹم ءِ جاور ھال انت، جان سلامتی ہسپتال ءِ ڈن ءَ چہ بندات بیت، سیوریج سسٹم ٹریٹمنٹ ءِ کنسیپٹ مئے گور ءَ نیست انت۔ آئی ءَ گوشت کہ گر ءُ دار علاج ءَ چہ شرتر اِنت، مارا گر ءُ دار ءِ گامگیج ءُ نادراھی آنی گر ءُ دار ءِ سر ءَ دلگوشی دیگی اِنت، 70درسد نادراھی آجوئیں آپ ءِ سبب ءَ دیم ءَ کیت، ساپیں آپ ءِ دست کپت گڈا اسپتال آنی سر ءَ نادراہ آنی بار 70درسد کم بیت۔ گند ءُ نند ءِ صفائی ءِ ھاتر ءَ دمگی تک ءَ یک نظامے ءِ جوڑ کنگ المی اِنت۔ آئی ءَ گوشت کہ رکھینگ ءُ گر ءُ دار ءِ گامگیج مئے حکمت عملی بہ بنت، مارا وتی زندمان ءِ رہبند جوان کنگ لوٹ ایت۔ آئی ءَ گوشت کہ چہ 10سال ءَ پد دگنیا کینسر ءَ چہ رکّ اِتگ، ما 10سال ءَ پد ھم اے بحث ءَ ھوار بئیں کہ ویکسین حلال اِنت یا حرام، مارا اے بابت ءَ جیڑگی اِنت کہ نادراھی آناں چوں گر ءُ دار کنگ بیت، مارا نوکیں نادراھجاہ جوڑ کنگ لوٹ اِیت، نادراھجاہ آنی جاور ھال ءَ را گہتر کنگ ءِ ھمراھی ءَ مارا تربیت یافتہ ڈاکٹر ھم لوٹ اَست۔