وفاقی وزیر رانا تنویر حسین ءَ گشتگ کہ اگاں وردن ءِ پیداوار ءَ گیشی نہ کنگ بہ بیت گڈا ملک ءِ لوٹ پیلو نہ بنت

لاہور۔ 29 دسمبر (اے پی پی): راجی فوڈ سیکیورٹی پالیشی ءِ وفاقی وزیر رانا تنویر حسین ءَ گوشت کہ آبادی ءِ تہ ءَ گیشی ءُُ موسمی بدلی فوڈ سیکیورٹی ءِ واستہ مزنیں چیلنج انت۔ اگاں فصل ءِ پیداوار ءَ گیش کنگ نہ بوت گڑا ملک ءِ لوٹاں پیلو کنگ مشکل بیت۔ آئی ءَ پنجاب یونیورسٹی ءِ سنٹر آف ایکسیلنس ان مالیکیولر بائیولوجی ءَ راجی فوڈ سیکیورٹی پالیسی ءِ ھوالگ ءَ دیوان ءِ سروکی ءَ کنگ ءَ ات۔ اے موہ ءِ سر ءَ پاکستان اکیڈمی آف سائنس ءِ چیئرمین پروفیسر ڈاکٹر کوثر عبداللہ ملک، ڈاکٹر معاز الرحمن، راجی وردن ءُ وراک ءِ سلامتی ءِ ھوالگ ءَ زانتکار، سائنسدان ءُ پالیسی ساز آں بہر زرتگ ات۔ دیوان ءَ گوں گشتانک دیان ءَ وفاقی وزیر رانا تنویر حسین ءَ گوشت کہ پاکستان ءِ کجام ھم شوبگ ءَ ٹیلنٹ ءِ کمی نہ انت۔ پٹ ءُ پول پہ ھرچ پڑ ءِ دیمروئی ءُ گہتری ءَ سک باز المی اِنت۔ آئی ئَ گوشت کہ ادارگ آنی تہ ئَ پٹ ئُُ پول ئِ نپ مدام دراج مدت ءِ بنت۔ پٹ ءُ پول ءِ آسر ءَ زوتیں آسر ءِ نہ بوھگ ءِ سبب ءَ سرکار ایشی ءِ تہ ءَ سرمایہ کاری کنگ ءَ باز دلگوش نہ کن اَنت۔ رانا تنویر حسین ءَ گوشت کہ مئے راجی ایمنی فوڈ سیکیورٹی ءَ گوں بندوک انت، فوڈ ریسرچ ءِ تہ ءَ ھم بازیں کار کنگ لوٹ ایت۔ وتی گشتانک ءِ تہ ءَ آئی ءَ گوشت کہ موسمی مٹ ءُ مٹ ءِ چیلنج ءَ چہ گیش کشت ءُ کشار ءِ شوبگ ءَ را تاوان رسیت ۔ پیداوار ءِ ھرچ ءُ درچ ءِ تہ ءَ گیشی ءَ ھوار دگہ چیلنج آنی تہ ءَ کشت ءُ کشاری ءُ کشت ءُ کشاری ءِ رکھینگ حکومت ءِ ذمہ واری اِنت۔ ما 10کروڑ کلدار ءِ شرح ءَ کشت ءُ کشاری ءَ چہ 6ملین ٹن گندم ءِ گرگ ءَ ایں ۔ 3500 فی ماؤنڈ ءِ سرا۔ آئی ئَ گوشت کہ گندم مئے مستریں فصل اِنت ایشی ءِ پیداوار ءَ مارا وت مستر وت بوھگی اِنت۔