سوشل پروٹیکشن والیٹ ءِ واستہ داتگیں سم بالکل مفت انت، سینیٹر روبینہ خالد

اسلام آباد۔ 29 دسمبر (اے پی پی): چیئرپرسن بے نظیر انکم سپورٹ پروگرام ءِ سینیٹر روبینہ خالد ءَ گوشت کہ سوشل پروٹیکشن والیٹ ءِ واستہ داتگیں سم سرجم ءَ مفت اِنت ایشی ءِ تہ ءَ ھچ وڑیں کٹوتی ءُ فیس ءِ اجازت نیست۔ اے سم تئی کیسگ اِنت، ایشی ءِ سیکورٹی تئی ذمہ واری اِنت۔ آئی ءَ اے ھیالانی درشانی دو شمبے ءِ روچ ءَ گورنمنٹ جامیہ ہائی اسکول شیخوپورہ ءَ جوڑ بوتگیں کیمپ سائٹ ءِ تر ءُُ تاب ءِ ساھت ءَ کتگ۔ آئی ءَ گوشت کہ اے پروگرام شھید محترمہ بے نظیر بھٹو ءِ نام ءَ ایر کنگ بوتگ۔ بی بی شہید یک دلیریں زالبولے ات کہ آئی ءَ پہ وتن ءُ راج ءَ مزنیں قربانی دات۔ آئی ءَ گوشت کہ زالبول بی بی شہید ءِ جہد ءَ چہ ھمت ءُُ دلیری ءِ دربرگ ءَ انت ءُُ آھانی سر ءَ کنگ بوتگیں ھرچ ناانصافی ءِ ھلاپ ءَ مھکم اوشتگ لوٹ ایت۔ تر ءُ تاب ءِ موہ ءَ سینیٹر روبینہ خالد ءَ کیمپ ءِ جاہ ءَ ھواریں بزگریں زالبول آنی گوما گپ ءُ تران کت، آھانی جیڈھ آناں گوش داشت ءُ جاگہ ​​ءَ ھواریں سیادی داروکیں کارندہ آناں ہدایت کت کہ زالبول آنی جیڈھ آناں زوت گیواری ءَ را دل یکیمی کنگ بہ بیت۔ آئی ءَ کارندہ آناں ہدایت کت کہ آ مفت سم ءِ پھجارینگ ءِ عمل ءَ سرجمیں شفافیت ءَ را دل یکیمی بہ کن اَنت۔ آئی ءَ کارندہ آناں گوشت کہ آ زالبول آنی تہ ءَ سرپدی ءَ را گیش موثر جوڑ بہ کن اَنت تانکہ مستحقیں زالبول وتی ھک آنی بابت ءَ سرجمی ءَ سرپد بہ بنت ءُ سوشل پروٹیکشن والٹ ءِ وسیلگ ءَ وتی زرّ آناں ایمن ءُُ باوقاریں رنگ ءَ رس اِت کن اَنت۔ آئی ءَ وتی جزم ءِ درشان کت کہ بے نظیر انکم سپورٹ پروگرام مستحقیں زالبول آناں بااختیار جوڑ کنگ، شفاف ادائیگی ءِ نظام ءَ را دیمروئی دیگ ءُُ درستیں تک ءُ پھنات آنی سر ءَ احتساب ءَ را دل یکیمی کنگ ءِ واستہ وتی کوشست آناں برجاہ دار ایت۔