وفاقی داخلہ ءِ وزیر محسن نقوی ءَ شاہین  چوک انڈر پاس ءِ تر ءُ تاب کتگ ، 31 دسمبر ءَ تاں ٹریفک ءِ پچ کنگ ءِ جار

اسلام آباد۔29دسمبر  (اے پی پی): وفاقی وزیر داخلہ محسن نقوی ءَ سہب   ءِ وھد ءَ مزنیں لس آسراتی منصوبگ "شاہین چوک انڈر پاس ”  ءِ تر ءُ تاب کت ءُ ریکارڈ وھد ءِ تہ ءَ کار ءِ سرجمی ءِ سر ءَ چار ءُ تپاسی کت ءُ جار جت کہ 31دسمبر ءَ تاں ھرچ وڑیں ٹریفک ءِ واستہ پچ کنگ بیت۔ انڈر پاس ءِ جوڑیشت ءِ کار کنگ ءَ انت۔ آئی ءَ منصوبگ ءِ کش ءُ گور ءَ ہارٹیکلچر  ءُ  لینڈ سکیپنگ ءِ ندارگ ءِ کار ھم چار اِتگ ءُ سیادی داروکیں واکدار آناں پنت ءُ شون کتگ کہ آ ایشی ءِ زیبائی ءَ را گیش کنگ ءِ ھاترا ادا گیشیں پودگ بہ کش اَنت۔ اے موہ ءِ سر ءَ تران کنان ءَ وفاقی تہی کارانی وزیر محسن نقوی ءَ گوشت کہ شاہنو چوک انڈر پاس ءِ سرجمی ءَ گوں وفاقی دارالحکومت ءَ ٹریفک ءِ دیریں جیڈھ ءَ را دائمی رنگ ءَ گیش ءُ گیوار کنگ بیت۔ آئی ءَ گوشت کہ اے منصوبگ ءَ چہ شہری آناں ٹرانسپورٹ ءِ واستہ سک باز آسراتی رس ایت ءُ ٹریفک جام ءَ را سرجمی ءَ ھلاس کنت۔ چیئرمین سی ڈی اے ءَ وفاقی وزیر ءَ را بریفنگ کنان ءَ گوشت کہ منصوبگ ءِ سر ءَ کار گڈی بھر ءَ انت ءُ فنشنگ کار وھد ءِ سر ءَ سرجم کنگ بوھگ ءَ انت۔ تر ءُ تاب ءِ وھد ءَ آئی جی اسلام آباد پولیس ، ممبر انجینئرنگ سی ڈی اے ءُ ایندگر سیادی داروکیں افسر آنی ھمراھی ءَ وزیر توکی کار ھم ھوار بوتگ اَنت۔