ریلوے ءِ وفاقی وزیر حنیف عباسی ءَ جیکب آباد  ءِ چم ءَ چہ زبھریں مردم پورٹر ءِ وائرل ویڈیو ءِ نوٹس زرتگ، نادراہ ءِ نوکری ءُ علاج ءِ جار

اسلام آباد۔29دسمبر  (اے پی پی): ریلوے ءِ وفاقی وزیر حنیف عباسی ءَ سوشل میڈیا ءِ سر ءَ  جیکب  آباد ریلوے اسٹیشن ءَ چم ءَ چہ زبھریں مردم پورٹر اکبر علی جمالی ءِ وائرل ویڈیو ءِ ترندیں نوٹس زرتگ۔ اکبر علی جمالی گوستگیں بازیں سالاں چہ وتی کسانیں بائیک ءِ کمک ءَ مسافر آنی ساماناں برگ ءَ وتی زند گوازینگ ءَ ات کہ آئی ءِ ویڈیو ءَ را لس مھلوک ءِ تہ ءَ بازیں دلگوش گپتگ ات۔ ریلوے ءِ وفاقی وزیر حنیف عباسی ءَ انسانی ہمدردی ءِ بنیاد ءَ اکبر علی جمالی ءِ اپیل منظور کتگ ءُ آئی ءِ زھگ ءَ را پاکستان ریلوے ءَ نوکری دیگ ءِ جار جتگ۔ ایشی ءِ گوما وفاقی وزیر ءَ کوریں پورٹر ءِ چم آنی ممکنہ علاج ءِ واستہ وتی جیب ءَ چہ مالی کمک ءِ ھم وعدہ کتگ۔ ریلوے ءِ وفاقی وزیر ءَ اے جزم ءِ درشان کت کہ ریاست وتی کارندہ آنی گوما اوشتاتگ ءُ ریلوے ءِ کارندہ آنی گہبودی ءِ واستہ گیشاں چہ گیش گامگیج چست کنگ بیت۔ آئی ءَ اکبر علی جمالی ءَ را وزارت ریلوے ءِ گوما گند ءُ نند ءِ واستہ ھم دعوت داتگ کہ اودا آ ذاتی رنگ ءَ آھانی مالی کمک ءُ پورٹر ءِ روزگار ءِ ھوالگ ءَ جیڈھ آنی سر ءَ نگرانی کنت۔