نائب مزن وزیر ءُ دری کارانی وزیر سینیٹر  محمد اسحاق ڈار ءَ مزن وزیر محمد شہباز شریف ءِ آیوکیں تر ءُ تاب ءِ بندوبست آنی سر ءَ چار ءُ تپاسی ءِ دیوان ءِ سروکی ءَ دیوان ءِ سروکی

اسلام آباد۔29دسمبر  (اے پی پی):نائب مزن وزیر ءُ درئی کارانی وزیر سینیٹر  محمد اسحاق ڈار ءَ بریفنگ سیشن ءِ سروکی ءَ مزن وزیر محمد شہباز شریف ءِ آیوکیں تر ءُ تاب ءِ بندوبست آنی سر ءَ چار ءُ تپاسی کت۔ مزن وزیر 19 ءَ بگر داں 23 جنوری 2026ءَ سوئٹزرلینڈ ءِ شہر ڈیووس کلوسترز، سوئٹزرلینڈ  ءَ برجم دارگ بوھوکیں ورلڈ اکنامک فورم ءِ 56می سالانہ دیوان ءَ بہر زوریت۔ جنیوا ءِ نمائندہ واجہ اسحاق ڈار ءَ جہانی اقتصادی دیوان ءِ تاریخ ، پیش کرتگیں پروگرام ءُ ایجنڈا ءِ بابت ءَ گشتگ ۔ نیمگ ءَ تر ءُ تاب ءِ ساھت ءَ دو نیمگی گند ءُ نند ءُ ھوار بوھگ ءِ تک ءُ پھنات آنی سر ءَ ھم ھیال ریچی کنگ بوت۔ نائب مزن وزیر ءُ وزیر ءِ درئی کار ءَ پنت ءُ شون کت کہ آیوکیں سروک ملک، سروک حکومت ءُ اقتصادی، کاروباری ءُ مالیاتی ادارگ آنی مزن تک ءِ ڈل آنی گوما گند ءُ نند ءَ را گیش ءَ چہ گیش جوانیں رنگ ءَ جوڑ کنگ بہ بیت۔ آئی ءَ اے گپ ءِ سر ءَ زور پر دات کہ نجی شوبگ ءِ کاروباری ادارگ آنی گوما کمک ءِ موہ آناں پٹ ءُ پول کنگ بہ بیت۔