اسپیکر سردار ایاز صادق ءِ پنت ءُ شون ءِ سرا راجی اسمبلی ءِ سیکرٹریٹ ءَ ملک عامر ڈوگر ءَ را نمدی نبشتہ کتگ ءُ پیسریگیں اپوزیشن رہشون ءِ  مھتلیں  کیسانی بابت ءَ سرپدی دیگ ءِ لوٹ

اسلام آباد۔29دسمبر  (اے پی پی): راجی اسمبلی ءِ اسپیکر سردار ایاز صادق ءِ پنت ءُ شون ءِ رد ءَ اسمبلی سیکرٹریٹ ءَ اپوزیشن ءِ چیف وہپ ملک عامر ڈوگر ءَ را نمدی نبشتہ کتگ ءُ چہ آئی ءَ لوٹ کتگ کہ آ چارمی رند ءَ اپوزیشن ءِ سروک ءِ آمید گس آنی تہ ءَ زیر التوا کیس آنی انوگیں جاور ھال ءِ بابت ءَ سرپدی بہ دنت۔ راجی اسمبلی ءِ جارکش ءِ رد ءَ سیکرٹریٹ ءَ 19 نومبر، 5 دسمبر ءُ 19 دسمبر 2025 ءَ ھم نمدی روان داتگ، نمدی ءِ تہ ءَ پیسریگیں اپوزیشن سروک ءِ ھوالگ ءَ آمید گس آنی تہ ءَ زیر التوا کیس آنی انوگیں جاور ھال آنی بابت ءَ سرپدی دیگ ءِ لوٹ کنگ بوتگ۔ جارکش ءَ گوشت کہ اپوزیشن ءِ سروک ءِ گچین کنگ ءِ واستہ لوٹوکیں ھال ءُ اھوال کانودی رد ءَ المی انت۔ لھتیں جاھاں راجی اسمبلی ءِ سیکرٹریٹ ءَ را پارٹی ءِ بستار ءَ گْوشگ بوتگ۔ اپوزیشن ءِ سروک ءِ گچین کنگ ءِ عمل ءَ را ھما وھد ءَ دیم ءَ برگ بیت کہ چہ ھما ھال ءُ اھوال ءِ رسگ ءَ پد بوت کنت۔