اسلام آباد۔29دسمبر (اے پی پی): بھارت ءَ اقلیتانی سر ءَ بوتگیں زلم ءُ زوراکی ءَ را جیڑگ ءِ گپ لیکگ ءَ درئی کارانی کارگس ءِ جارکش ءَ گوشت کہ کرسمس ءِ روچ ءَ مسلمان آناں نشانگ جوڑ کنگ ءُ توڑ ءُ پُر کنگ ءِ سرکاری گامگیج ءَ اقلیت آنی تہ ءَ ھاسیں رنگ ءَ مسلمان آنی تہ ءَ ترس ءُ بیم گیش کتگ۔ میان استمانی براتی ءَ اے وئیلانی …
درئی کارانی کارگس ءِ جارکش ءَ گْوشتگ کہ کرسمس ءِ روچ ءَ مسلماناں نشانگ جوڑ کنگ ءُ توڑ ءُ پُر کنگ ءِ سرکاری گامگیج ءَ بھارت ءِ اقلیتانی تہ ءَ ترس ءُ بیم گیش کتگ، ترجمان دفترخارجہ
اسلام آباد۔29دسمبر (اے پی پی): بھارت ءَ اقلیتانی سر ءَ بوتگیں زلم ءُ زوراکی ءَ را جیڑگ ءِ گپ لیکگ ءَ درئی کارانی کارگس ءِ جارکش ءَ گوشت کہ کرسمس ءِ روچ ءَ مسلمان آناں نشانگ جوڑ کنگ ءُ توڑ ءُ پُر کنگ ءِ سرکاری گامگیج ءَ اقلیت آنی تہ ءَ ھاسیں رنگ ءَ مسلمان آنی تہ ءَ ترس ءُ بیم گیش کتگ۔ میان استمانی براتی ءَ اے وئیلانی نوٹس زورگ لوٹیت۔ جمعہ ءِ روچ ءَ دری کارانی کارگس ءِ جارکش طاہر اندرابی ءَ بھارت ءَ کرسمس ءِ روچ ءَ مسلمانانی سر ءَ بوتگیں ھرابکاری ءُ زوراکی ءِ ھوالگ ءَ رسانکدر ءِ جُست آنی پسو ءَ گوشت کہ بھارت ءَ اقلیت آنی سر ءَ بوتگیں زلم ءُ زوراکی سک باز جیڑگ ءِ جیڑھ اِنت۔ کرسمس ءِ شپ ءَ توڑ ءُ پُر ءِ انوگیں ملامت کنوکیں واقعہ، مسلماناں نشانگ جوڑ کنگ ءِ ریاستی سرپرستی ءِ گامگیج، ایشانی تہا آہانی لوگانی ہلاس کنگ ءُ بار باریں ٹولی ءِ لینچنگ ہم ہوار انت، خاص کر محمد اخلاق ءِ واقعہ، کہ ایشی ءِ تہا ریاست ءَ مسلماناں چہ کیاس ءُ ترس ءُ بیم ءِ سبب ءَ رکھینگ ءِ ہاترا گامگیج چست کتگ انت۔ ترجمان ءَ گشتگ کہ اے وڑیں زدگیں مردمانی لسٹ افسوسناکیں وڑے ءَ دراج انت۔ آئی ءَ لوٹ کتگ کہ میاں اوستمانی براتی اے وئیل آنی نوٹس ءَ بہ زوریت ءُ بھارت ءَ چاگرد ءِ نزوریں تبک آنی بنیاتی ھک آنی رکھینگ ءِ واستہ جوانیں گامگیج بہ زوریت۔
