53می نیشنل اتھلیٹکس چیمپئن شپ اسلام آباد اٹی بناکرے

اسلام آباد۔ 29 دسمبر (اے پی پی) پاکستان اتھلیٹکس فیڈریشن نا کنڈآن 53 می نیشنل اتھلیٹکس چیمپئن شپ جناح اسٹیڈیم اسلام آباد اٹی بناکرینے۔ چیمپئن شپ انا بناءِ بنجائی سیکرٹری بین الصوبائی رابطہ محی الدین وانی کرے۔ داوخت آ پاکستان اتھلیٹکس فیڈریشن نا صدر بریگیڈیئر (ریٹائرڈ) وجاہت حسین، پاکستان اسپورٹس بورڈ انا ڈپٹی ڈی جی  شاہد اسلام، سید نوید الحسن و ڈائریکٹر سعید احمد چوہدری آن بیدس شونقی تا بھلو کچ اس ہم ساڑی ئسر۔ چیمپئن شپ اٹی مچ آملک آن نرینہ و نیاڑی تا ٹیمک بشخ ہلنگ ءُ ہرافتے ٹی پاکستان آرمی، پاکستان ایئر فورس، پاکستان نیوی، پاکستان واپڈا، پاکستان ریلوائی ، پاکستان پولیس، ہائر ایجوکیشن کمیشن، پنجاب، خیبرپختونخوا ، سندھ، بلوچستان، اسلام آباد ، گلگت بلتستان و آزاد جموں وکشمیر نا ٹیمک اوار ءُ و چیمپئن شپ اٹی نرینہ غاتا 24و زالبول آتا 21 ایونٹ اڈ ہلنگ ءِ۔ چیمپئن شپ 31 دسمبر اسکان برجاسلک و چیمپئن شپ اٹی سرسہبی دوئی کروک آ گوازی گرآتیٹی انعام ہم بشخنگک۔