صوبائی سلاہکار چاگڑدو موسمیاتی بدلی نسیم الرحمان نا میر سرفراز بگٹی ءِ بگٹی قبیلہ نا سروک مقرر مننگ آمبارکباد

کوئٹہ۔ 29 دسمبر (اے پی پی) صوبائی سلاہکار چاگڑد و موسمیاتی بدلی نسیم الرحمان خان ملاخیل وزیراعلیٰ بلوچستان میر سرفراز بگٹی ءِ بگٹی قبیلہ نا پوسکن آ چیف مقرر مننگ و دستار بندی نا پروقار دود آ مبارکبادی پیش کرینے۔ اوپارے کہ میر سرفراز بگٹی نا بطور چیف آف  بگٹی پنداری بگٹی قبیلہ نا روایت، قدر و قبائلی نظم  و ضبط انا ڈیک ءِ۔ باوہ پیرہ ئی آ علاقہ بیکڑ اٹی قبائلی شایان شان وڑاٹ دستاربندی داہیت انا درشانی ءِ کہ قبائلی سرکڑدہ و الس میر سرفرازبگٹی آ پورو پت تخرہ، میر سرفراز بگٹی اسہ مدبر ءُ سیاسی راہشون اسے و بطور چیف آف بگٹی قبیلہ ءِ سیوت، امن و شونداری نا کسر آ پین سوگو کیک ۔ اوپارے کہ وزیراعلیٰ بلوچستان نا حیثیت اٹ اونا کماشی ٹی صوبہ ٹی ہم گرنچی، سوگوی و السی آسودہی نا پوسکن ءُ بشخ اس نوشتہ کننگ ءِ۔ صوبائی سلاہکار مستی پارے کہ بگٹی قبیلہ نا چندی شاخ تا سردار و الس نا بھلو کچ اسے ٹی بشخ ہلنگ داہیت انا شاہدی ءِ کہ میر سرفراز بگٹی ءِ قبیلہ نا پورو تائید دوئی ءِ۔