اسپیکر سردار ایاز صادق نا پارت آ قومی اسمبلی سیکرٹریٹ نا ملک عامر ڈوگر ءِ چٹھی ، مسکوہی حزب اختلاف نا پدتموک مقدمہ غاتا بارواٹی سرجم حوال فراوان کننگ نا خواست

اسلام آباد۔ 29 دسمبر (اے پی پی) اسپیکر قومی اسمبلی سردار ایاز صادق نا پارت آ اسمبلی سیکرٹریٹ چیف وہپ حزب اختلاف ملک عامر ڈوگر ءِ چٹھی اس مون تننگانے ہراٹی مسکوہی قائد حزب اختلاف نابابت عدالت آتیٹی پدتموک مقدمہ غاتا ساڑی حالیت آتا بابت چارمیکو وار معلومداری فراوان کننگ کن پاننگانے۔ دوشنبے نادے آ ترجمان قومی اسمبلی نا رداٹ سیکرٹریٹ نا کنڈآن 19 نومبر ، 5 دسمبر و 19 دسمبر 2025 ء آ ہم چٹھی مون تننگا۔ چٹھی ٹی مسکوہی قائد حزب اختلاف نا بابت عدالت آتیٹی پدتموک مقدمہ غاتاساڑی آ حالیت آتیان آگاہی فراوان کننگ نا خواست کننگانے۔ ترجمان پارے کہ قائد حزب اختلاف نا تقرری کن درکار معلومداری آئینی و کانودی وڑاٹ المی ءِ، گڑاس مقدمہ غاتیٹی قومی اسمبلی سیکرٹریٹ ءِ بطور فریق اوار کننگانے، درکار معلومداری ملنگ آن پد ہی قائد حزب اختلاف نا تقرر نا عمل ءِ مون آ دننگ مریک۔