اسلام آباد۔ 29 دسمبر (اے پی پی) گورنر خیبرپختونخوا فیصل کریم کنڈی تون بینک اسلامی نا چیف آفیسر اشفاق احمد و بزنس ایکو سسٹم نا سروک محمد غفران عباسی نا کماشی ٹی ڈل اوڑدہی کرے۔ دوشنبے نادے آ گورنر آفس آن جاری بیان نا رداٹ ڈل بینک اسلامی نا کنڈآن صارف آتے فراوان کروک آ پوسکن بینکاری آسراتی آن گورنر ءِ سرجمی وڑاٹ معلومدارکرے ۔ ڈل کیش لیس بینکاری …
گورنر خیبرپختونخوا فیصل کریم کنڈی تون بینک اسلامی نا ڈل انا اوڑدہی
اسلام آباد۔ 29 دسمبر (اے پی پی) گورنر خیبرپختونخوا فیصل کریم کنڈی تون بینک اسلامی نا چیف آفیسر اشفاق احمد و بزنس ایکو سسٹم نا سروک محمد غفران عباسی نا کماشی ٹی ڈل اوڑدہی کرے۔ دوشنبے نادے آ گورنر آفس آن جاری بیان نا رداٹ ڈل بینک اسلامی نا کنڈآن صارف آتے فراوان کروک آ پوسکن بینکاری آسراتی آن گورنر ءِ سرجمی وڑاٹ معلومدارکرے ۔ ڈل کیش لیس بینکاری نا تصور ءِ مون آ تخسا پارے کہ پوسکن آ ٹیکنالوجی نا رداٹ کیو آر کوڈ انا کمک اٹ ادائیگی تے مون آ دننگ انگ ءِ ہراڑآن لین دین پین رکھوک، تیز و آسان مسنے۔ داوخت آپاننگاکہ بینک اسلامی صوبہ خیبرپختونخوا ٹی کیش لیس زرگزران نا مون آ دننگ کن عملی گام گیج کننگ ءِ۔ صوبہ نا یونیورسٹی تیٹی زیر تعلیم طالب علم آتا آسراتی کن کیش لیس بینکاری نا فائدہ غاتا بابت آگاہی پروگرام تا بناءِ کننگ انگ ءِ تانکہ ورناچین ءِ پوسکن و رکھوک مالی نظام آن روشناس کرفنگ مرے۔ گورنر خیبرپختونخوا بینک اسلامی نا گام گیج آتا ستاءِ کرسا پارے کہ کیش لیس بینکاری نئے بیرہ شفافیت ءِ مون آ دیک بلکن طالب علم و ورناتیکن ہم آسراتی و وخت انا بچت نا ذریعہ مریک۔ اودارداٹ ہرممکن کمکاری نا باوری کرفے۔
