پاکستان اسٹاک ایکسچینج اٹی تیزی نا رجحان، 100 انڈیکس 173639۔89 پوائنٹ آتسکان سرمس

اسلام آباد۔ 29 دسمبر (اے پی پی) پاکستان اسٹاک ایکسچینج اٹی دوشنبے نادے آ تیزی نا رجحان ئس و کے ایس ای 100 انڈیکس پیشیم اسکان 1239.16پوائنٹ ودکی آن پد 173639.89 پوائنٹ آتسکان سرمس۔ اسہ ریسہ غا 100 انڈیکس اسہ لکھ 74 ہزار پوائنٹ آتا نفسیاتی حد ءِ عبور کرے و انڈیکس 174411.72 پوائنٹ آتا تاریخی کچ آ سرمس ولے اوکان پد کمتی مون آ بس۔ پیشیم نا یک بجہ ءُ 30 منٹ اسکان 497.99 ملین حصص نا لین دین مس ہرافتا مالیت 27.21 ارب روپئی ئس۔ پاکستانی ٹیلی کمیونیکیشن کمپنی بینک آف پنجاب، فوجی فوڈز و پی آئی اے ہولڈنگز کمپنی نا زیات حصص نا خریدو فروخت مس۔