مزن وزیر شہباز شریف قلات ءَ فتنہ الهندستان ءَ گوں سیادی داروکیں خوارج ءِ ھلاپ ءَ آپریشن ءِ ھاتر ءَ سیکورٹی فورسز ءَ را توسیپ ءُ ستا پیش کنگ ءَ انت

اسلام آباد۔28دسمبر  (اے پی پی):مزن وزیر محمد شہباز شریف ءَ بلوچستان ءِ دمگ قلات ءَ فتنہ الهندستان ءَ گوں سیادی داروکیں خوارج ءِ ھلاپ ءَ آپریشن ءِ ھاتر ءَ سیکورٹی فورسز ءَ را توسیپ ءُ ستا پیش کتگ۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ آپریشن ءِ تہ ءَ 4خوارج ءِ کوش ءِ پد ءَ سیکورٹی فورسز ءِ توسیپ کتگ ءُ گوشت کہ سیکورٹی فورسز ناشرکاری ءِ ھلاپ ءَ مزنیں سوبمندی یے رسگ ءَ اَنت۔ مزن وزیر ءَ گوشت کہ ناشرکاری ءِ ھلاپ ءَ اے جنگ ءَ سرجمیں راج پاکستانی قوت آنی ھمراہ داری ءَ اوشتاتگ، ملک ءَ ھمک رنگ ءِ ناشرکاری ءَ چہ پاک کنگ بیت۔