رنج ءُ گم ءِ آماچیں انسانیت ءِ ھزمت ءَ چہ گیش مزنیں کار نیست، آزاد کشمیر ءَ کینسر ءِ ٹپاس ءُ درمان ءِ واستہ نادراھجاہ ءِ جوڑ کنگ وش آتک کنگ بیت، نادراہانی درمان ءِ واستہ 24 کلاک ءِ آسراتی ءَ را دل یکیمی کنگ بہ بیت، مزن وزیر شہباز شریف

مظفر آباد۔28دسمبر  (اے پی پی):مزن وزیر محمد شہباز شریف ءَ آزات کشمیر ءَ کینسر ءِ پجار ءُ درمان کنگ ءِ واستہ ہسپتال ءِ جوڑ کنگ ءَ را ساڑات ءُ گوشت کہ درد کشیں انسانیت ءِ ھزمت ءَ چہ گیش دگہ کار نیست، نادراہ آنی الاج ءِ واستہ 24کلاک آسراتی دل یکیمی کنگ بہ بنت۔ آ یک شمبے ءِ روچ ءَ کشمیر انسٹی ٹیوٹ آف نیوکلیئر میڈیسن، آنکولوجی اینڈ ریڈیو تھراپی (کنور) ءِ بنگیج ءِ مراگش ءَ گوں گشتانک دیگ ءَ ات۔ اے موہ ءِ سر ءَ مزن وزیر آزات کشمیر راجہ فیصل ممتاز راٹھور، احسن اقبال، رانا ثنا اللہ، امیر مقام، آزات کشمیر اسمبلی ءِ باسک، چیئرمین پاکستان ایٹم توانائی کمیشن، پروفیسر، سرجن ءُ فیکلٹی ءِ باسک ھوار وفاقی وزیر ھم ساڑی اتنت۔ مزن وزیر ءَ گوشت کہ آ دل ءَ وش آں کہ آزات کشمیر ءَ تکلیف مندیں انسانیت ءِ ازمت ءُ کینسر ءِ نادراھی ءِ پجارینگ ءُ درمان کنگ ءِ واستہ یک ہسپتال ءِ جوڑ کنگ بوتگ۔ چہ ایشی ءَ مستریں انسانیت ءِ ھزمت بوت نہ کنت۔ ایشی ءَ چہ پیسر آزات کشمیر ءِ نادراہاں سداں میل دوریں شہراں روگی بوتگ کہ اے دردناک ءُ گرانیں سفر بوتگ۔ آئی ءَ ایٹمی توانائی کمیشن ءُ ایس پی ڈی ءِ ھم منت گپت ءُ ھمے رنگ ءَ خیرخواہ ءُ ڈاکٹر آنی ھم منت گپت کہ آھاں اے نادراھجاہ ءِ جوڑ کنگ ءَ وتی کرد پیلو کتگ۔ مزن وزیر ءَ گوشت کہ آ وت کینسر ءِ نادراھی ءَ بوتگ آں ءُ آوانی مشکل ءُ تکلیف ءَ سرپد آں۔ مردم اے گرانیں نادراہی ءِ علاج ءِ وس ءَ نہ کن انت۔ آئی ءَ ہدایت کت کہ اے نادراہی ءَ گوں دوچاریں نادراہ نوکیں وسیلگ ءُ وسیلگ آنی کارمرد کنگ ءَ الاج کنگ بہ بنت ءُ توامیں آسراتی آناں 24کلاک کار کنگ بہ بیت۔ نادراہانی علاج اے رنگ ءَ کنگ بہ بیت کہ آہاں دلبڈی رسیت ءُ علاج ءِ واستا آہاں ہچ وڑیں مشقلات ءِ دیمپانی مہ بیت۔ ایشی ءَ چہ پیسر مزن وزیر ءَ تختی ءِ دیم ءَ آرگ ءَ ہسپتال ءُ میڈیکل کالج ءِ بنگیج کت۔ مزن وزیر ءَ ہسپتال ءِ جتاجتائیں شعبہ ءُ ایر کتگیں مشینری ءِ ہم چار ءُ تپاسی کت۔ آئی ءَ را اے نادراھی ءِ پٹ ءُ پول ءُ درمان ءِ آسراتی آنی بابت ءَ ھم سرپدی دیگ بوتگ۔ مزن وزیر ءَ را گوشگ بوت کہ پیسر ءَ آزات کشمیر ءَ کینسر ءِ الاج ءِ واستہ ھچ وڑیں آسراتی نہ بوتگ ءُ نادراہ دگہ شہراں تر ءُ تاب کنگ ءَ مجبور بوتگ اَنت۔ ہر سال یک ہزار ءَ بگر داں دہ ہزار کینسر ءِ نادراہ پہ پیگیری ءَ نادراھجاہاں رونت۔ وتی وش اتکی گشتانک ءِ تہ ءَ پاکستان ایٹم توانائی کمیشن ءِ چیئرمین راجا علی رضا انور ءَ مزن وزیر ءِ منت گپت ءُ گوشت کہ سرجمیں ملک ءَ ایٹم توانائی کمیشن ءِ 21 ہسپتال کینسر ءِ علاج ءِ واستہ کار کنگ ءَ انت ایشانی تہ ءَ یک ہسپتال وفاقی حکومت ءَ انت، 6 پنجاب ءَ، 5 خیبر پختون بکستان ءُ ایچ اچستان ءَ 5، سندھ ءَ 5 ہسپتال انت۔ آزات کشمیر۔ سالے یک ملین نادراہ ءِ علاج کن اَنت، 60 درسد نادراہ گڈی پڑ ءَ اَنت۔ اے نادراھجاہ ءِ جوڑ کنگ ءَ چہ بنجاہی تک ءَ درمان ممکن بیت۔ آئی ءَ پاکستان ءُ آزات جموں ءُ کشمیر ءِ حکومت، ایس پی ڈی ءُ شریک آنی کمک ءِ واستہ ھم شگر ءُ منت گپت۔ ڈی جی انٹرنیشنل ایٹمی توانائی ایجنسی رافیل ماریانو گروسی ءَ ویڈیو لنک ءِ وسیلگ ءَ مراگش ءَ گوں تران کنان ءَ گوشت کہ کینسر ءِ نادراہ آنی کساس گیش بوھگ ءَ اِنت، 2050ءَ تاں 75درسد گیشی ءِ امکان است اِنت، دگنیا ءَ 10 ملین ءَ چہ گیش نادراہ اے نادراھی ءَ گوں نادراھ اَنت، کینسر ءِ واستہ یک ہسپتال ءِ جوڑ کنگ المی اِنت۔