سندھ ءَ جان سلامتی ءِ جوانیں آسراتی است انت، بلاول بھٹو زرداری

لاڑکانہ ۔28دسمبر  (اے پی پی):پاکستان پیپلز پارٹی ءِ چیئرمین بلاول بھٹو زرداری ءَ گشتگ کہ سندھ ءَ جان سلامتی ءِ جوانیں آسراتی است انت۔ سندھ حکومت الس ءِ گہبودی ءِ واستہ زبردستیں گامگیج زورگ ءَ انت۔ آئی ءَ اے ھیالانی درشانی یک شمبے ءِ روچ ءَ لاڑکانہ ءِ چائلڈ ہسپتال ءَ سندھ انسٹی ٹیوٹ آف چائلڈ ہیلتھ اینڈ نیونیٹولوجی ءِ چیر دستی ءَ زھگ ءُ نوزائیدگ آنی واستہ انٹینسیو کیئر یونٹ آنی بنگیج کنگ ءَ پد میڈیا ءَ گوں تران کنان ءَ کت۔ آئی ءَ گوشت کہ سندھ ءَ مرگ ءِ شرح ءَ گوں تیزی ءَ کمی بوھگ ءَ انت۔ ہژدہمی ترمیم ءَ پد سندھ ءَ جان سلامتی ءِ شوبگ ءَ بازیں کار کنگ بوتگ۔ سندھ حکومت الس ءِ گہبودی ءِ واستہ زبردستیں گامگیج زورگ ءَ انت۔ چو کہ NICVD)، (NICH کراچی ءِ سندھ ءَ ھم ھست اِنت۔ کراچی ءَ ایشی ءِ چار مرکز اَنت۔ ایشی ءَ ابید ایشی ءِ مرکز نواب شاہ، سکور، لارکانا ءُ جامشورو ءَ ھم است انت۔ بلاول بھٹو زرداری ءَ گوشت کہ سندھ ءَ نادراہ آناں سد درسد مفت دوا ءُ درمان ءِ آسراتی دیگ بوھگ ءَ انت، ءُ کوشست کنگ بوھگ ءَ انت کہ زھگ آناں میاں اوستمانی معیار ءِ رد ءَ سد درسد مفت دوا ءُ درمان ءِ آسراتی پجارینگ بہ بیت۔ آئی ءَ گوشت کہ مہلوک ءَ را معیاری علاج ءُ نگہداشت ءِ آسراتی پجاری کنگ المی انت، مہلوک ءَ را آسراتی پجاری کنگ مئے فرض انت۔ یک جستے ءِ پسو ءَ آئی ءَ گوشت کہ ما مزن وزیر محمد شہباز شریف ءُ (ن) ءِ راہشون محمد نواز شریف ءِ سک باز منت وار آں کہ آہاں شہید محترمہ بے نظیر بھٹو ءِ بیرانی ءِ روچ ءِ درگت ءَ گڑھی خدا بخش ءَ ڈل روان داتگ۔