ایشیائی دیمروئی بانک ءِ ملکی ڈائریکٹر ایما فین ءَ ڈاکٹر شمشاد اختر ءِ بیرانی ءِ سرا غم ءِ درشانی کتگ

اسلام آباد۔28دسمبر  (اے پی پی):ایشیائی دیمروئی بینک ءِ پاکستان ءِ واستہ ملکی ڈائریکٹر ایما فین ءَ اے ڈی بی ءِ پیسریگیں ڈائریکٹر جنرل، پیسریگیں وفاقی وزیر ءِ ھزانگ ءُ پیسریگیں گورنر اسٹیٹ بینک آف پاکستان ءِ بیرانی ءِ سر ءَ سک باز دلپدردی ءُ رنج ءُ گم ءِ درشانی کتگ ءُ آئی ءِ دیمروئی ءِ جوانیں پالیسی ءِ رد ءَ آئی ءَ را شگر ءُ منت درشان کتگ۔ یک شمبے ءِ روچ ءَ ایکس ءِ سر ءَ شنگ بوتگیں دلپدردی ءِ پیغام ءِ تہ ءَ ایما فین ءَ گوشت کہ ڈاکٹر شمشاد اختر ءِ بیرانی ءَ چہ من سک باز دلپدرد آں ۔ پالیسی اصلاحات ءُ دیمروئی گامگیج آناں دیم ءَ برگ ءِ تہ ءَ آئی ءِ ھاسیں کرد ءَ وتی دائمی اثر یلہ داتگ۔ آئی ءَ اے گرانیں وھد ءَ ڈاکٹر شمشاد اختر ءِ ھاندان، سنگت ءُ سیاد ءُ وارس آنی گوما دلپدردی ءِ درشانی کت ءُ گوشت کہ ایشیائی دیمروئی بینک ءِ واستہ آئی ءِ ھزمت یات کنگ بنت۔ ما ڈاکٹر شمشاد اختر ءِ بیرانی ءَ سک دلپدرد ایں ۔ دکتر شمشاد ءِ دمگ ءِ پالیسی ءِ اصلاحات ءُ دیمروئی ءِ ھاتر ءَ ھاسیں ھزمتاں دائمی اثر یلہ داتگ۔