ڈیری ءُ لائیوسٹاک ءِ شوبگ ءَ سرمایہ کاری نوکیں جہت ءَ داخل بوتگ، برازیل ءِ گوما اسٹریٹجک شراکت داری ءِ تہا تاریخی پیشرفت

اسلام آباد۔28دسمبر  (اے پی پی):ھاسیں سرمایہ کاری ءِ آسراتی کونسل ءِ سرجمیں سفارتی ءُ اقتصادی حکمت عملی ءِ میوہ آنی گوما پاکستان ءَ را جھان ءِ اسٹریٹجک شریک آنی لڑ آنی تہ ءَ ھوار بوتگ۔ سرجمیں ھال آنی  رد ءَ برازیل ءِ گوما کشت ءُ کشاری ءُ لائیو سٹاک ءِ کمک ءَ مزنیں پیشرفت بوتگ ءُ پاکستان ءِ لائیو سٹاک ءِ شوبگ نوکیں دیمروئی ءِ پڑ ءَ داخل بوتگ۔ راجی وردن ءِ سلامتی ءِ وفاقی وزیر رانا تنویر حسین ءُ برازیل ءِ سفیر ءَ مزن تک ءِ گند ءُ نند کتگ ءُ دو نیمگی کمک ءِ ھوالگ ءَ سرجمیں شور ءُ سلاہ کتگ۔ گند ءُ نند ءَ پاکستان ءُ برازیل لائیو اسٹاک، ڈیری ءُ گوشت ءِ صنعت آنی تہ ءَ شریکداری ءَ را گیش پراھی کنگ ءُ کمک ءَ را گہتر کنگ ءِ سر ءَ تپاک کت۔ گوشت ءِ پروسیسنگ، فیڈ لاٹ ءِ چربی ءُ ٹریس ایبلٹی سسٹم ءَ را گہتر کنگ ءِ ھاتر ءَ یکجائی ورکنگ گروپ ءِ جوڑ کنگ ءِ سر ءَ ھیال ءُ لیکہ کنگ بوتگ۔ ڈیری ءِ شوبگ ءِ نوکیں رنگ ءَ جوڑ کنگ ءِ واستہ پاکستان ءَ برازیل ءِ جدید جینیات ءُ نوکیں ٹیکنالوجی ءِ آرگ ءِ سر ءَ یکوئی ءِ سر ءَ تپاک کنگ بوت۔ ماہرین ءِ تبادلہ، تربیتی پروگرام ءُ برازیل ءَ پاکستانی پیشہ ور آنی مزن تک ءِ تربیت ءِ بابت ءَ یک دومی ءِ سرا تپاکی بوتگ۔ لائیو اسٹاک ءُ ڈیری ءِ اصلاحات ءَ چہ نہ ایوک ءَ فوڈ سیکیورٹی ءَ را مھکم کنگ بیت بلکینگ ءَ نوکیں روزگار ءِ موہ ھم پیداک بنت ءُ پاکستان ءِ برآمدات ءَ را گیش کنگ بیت۔ برازیل ءِ گوما شریکداری ءَ چہ گوشت ءُ ڈیری پروڈکٹس ءِ برآمدات ءَ را مزنیں کساسے ءَ گیشی بیت۔ ایس آئی ایف سی ءِ فعالیں کوشست لائیو سٹاک ءُ گوشت ءِ شوبگ ءَ را نوکیں گلوبل شناخت، مقابلہ ءِ طاقت ءُ سرمایہ کار ءِ دل یکیمی  دیگ ءَ انت۔