اسلام آباد۔27دسمبر (اے پی پی):پاکستان ءَ سومالیہ ءِ حاکمیت، یکوئی ءُ سرزمین ءِ یکوئی ءَ را ھراب کنگ ءِ ھرچ وڑیں کوشست ءَ را سک رد کتگ ءُ گوشتگ کہ اسرائیل ءِ سومالیہ ءِ نام نہاد سومالی لینڈ ءِ دمگ ءِ آجوئی ءِ منگ ءِ جار میاں اوستمانی کانود ءِ ھلاپ ورزی اِنت۔ شمبے ءِ روچ ءَ دری کارانی کارگس ءِ جارکش ءِ نیمگ ءَ جاڑی بوتگیں بیان ءَ …
اسرائیل ءِ صومالیہ ءِ نام نہاد ’’صومالی لینڈ‘‘ ءِ دمگ ءِ آجوئی ءِ منگ ءِ جار میان استمانی کانود ءِ ھلاپ ورزی اِنت، دری کارانی کارگس ءِ جارکش
اسلام آباد۔27دسمبر (اے پی پی):پاکستان ءَ سومالیہ ءِ حاکمیت، یکوئی ءُ سرزمین ءِ یکوئی ءَ را ھراب کنگ ءِ ھرچ وڑیں کوشست ءَ را سک رد کتگ ءُ گوشتگ کہ اسرائیل ءِ سومالیہ ءِ نام نہاد سومالی لینڈ ءِ دمگ ءِ آجوئی ءِ منگ ءِ جار میاں اوستمانی کانود ءِ ھلاپ ورزی اِنت۔ شمبے ءِ روچ ءَ دری کارانی کارگس ءِ جارکش ءِ نیمگ ءَ جاڑی بوتگیں بیان ءَ گوشت کہ اے وڑیں ناجائز ءُ اشتعال انگیزیں کارروائی نہ ایوک ءَ براتیں ملک سومالیہ ءِ امن ءُ ایمنی ءَ را ھترہ ءِ آماچ کن اَنت بلکیں سرجمیں دمگ ءِ امن ءُ ایمنی ءَ را ھم تاوان دنت۔ میاں اوستمانی براتی اے وڑیں کارروائیاں رد بہ کنت ءُ اسرائیل ءَ را دمگ ءَ امن ءُ ایمنی ءِ ھاتر ءَ برجاھیں کوشست آناں تاوان دیگ ءَ چہ رکّینگ ءِ تہ ءَ جوانیں کردے پیلو بہ کنت۔ پاکستان وفاقی جمہوریہ سومالیہ ءِ حاکمیت، یکوئی ءُ علاقائی یکوئی ءِ واستہ وتی سرجمیں حمایت ءِ پدر کنگ ءَ انت ءُ ملک ءَ دائمی امن ءُ ایمنی ءِ ھاتر ءَ درستیں کوشست آنی حمایت ءَ را برجاہ دار ایت۔ بیان ءَ یک رندے پدا اے گپ ءِ پدا زور دیگ بوتگ کہ پاکستان فلسطینی آناں وتی زمین ءَ چہ زوراکی ءَ چہ ھرچ وڑیں رنگ ءَ بے لوگ کنگ ءِ ھرچ گامگیج ءَ را سرجمی ءَ رد کنت ءُ فلسطینی راج ءِ وت واجہی ءِ ھک ءِ واستہ وتی بے مٹیں کمک ءَ برجاہ دار ایت۔ 1967 ءَ پیسر ءِ سیمسر آنی سر ءَ القدس الشریف ءِ دارالحکومت ءِ رد ءَ یک آجو ءُ وت واجہیں فلسطینی ریاست ءِ جوڑ کنگ ءِ ھاترا ھم مھکمیں حمایت ءِ پدا زور دیگ بوت۔
