راولپنڈی۔27دسمبر (اے پی پی):بلوچستان ءِ ضلع پنجگور ءَ انٹیلی جنس ءِ بنیات ءَ کنگ بوتگیں آپریشن ءِ وھد ءَ سیکورٹی فورسز ءَ ھندی پراکسی فتنہ الخوارج ءَ گوں سیادی داروکیں چار خوارج ناشرکار کشگ بوتگ انت۔ شمبے ءِ روچ ءَ انٹر سروسز پبلک ریلیشنز ءِ نیمگ ءَ چہ شنگ بوتگیں بیان ءِ رد ءَ سیکورٹی فورسز ءَ آپریشن ءِ وھد ءَ خوارج ءِ پناہ گاہ ءَ را موثر رنگ …
پنجگور ءَ فتنہ الخوارج ءِ ھلاپ ءَ سیکورٹی فورسز ءَ سوبمندیں آپریشن کنگ ءَ چار خوارج ناشرکار جنگ بوتگ
راولپنڈی۔27دسمبر (اے پی پی):بلوچستان ءِ ضلع پنجگور ءَ انٹیلی جنس ءِ بنیات ءَ کنگ بوتگیں آپریشن ءِ وھد ءَ سیکورٹی فورسز ءَ ھندی پراکسی فتنہ الخوارج ءَ گوں سیادی داروکیں چار خوارج ناشرکار کشگ بوتگ انت۔ شمبے ءِ روچ ءَ انٹر سروسز پبلک ریلیشنز ءِ نیمگ ءَ چہ شنگ بوتگیں بیان ءِ رد ءَ سیکورٹی فورسز ءَ آپریشن ءِ وھد ءَ خوارج ءِ پناہ گاہ ءَ را موثر رنگ ءَ نشانگ جوڑ کتگ۔ چہ شدیدیں تیرگواری ءَ پد چار خوارج بیران بوتگ اَنت۔ بیران بوتگیں ناشرکارانی دست ءَ چہ سلاہ، گولہ بارود ءُ تراکناکیں سامان ھم دست کپتگ۔ آئی ایس پی آر ءِ رد ءَ دمگ ءَ دگہ ھندی کمک ءِ خوارج ءِ ھلاس کنگ ءِ ھاترا کلیئرنس ءُ سینیٹائزیشن آپریشن برجاہ اِنت۔ نیشنل ایکشن پلان ءِ چیر دستی ءَ وفاقی اپیکس کمیٹی ءِ منظوری ءَ گوں بندات بوتگیں ”عزمِ استحکام“ ءِ وژن ءِ چیر دستی ءَ سیکورٹی فورسز ءُ کانود ءِ نفاذ ءِ ادارگ آنی بے مٹیں ناشرکاری ءِ ھلاپ ءَ مہم سرجمیں رفتار ءَ برجاہ بیت تانکہ درملکی سرپرستی ءَ ناشرکاری ءَ را ملک ءَ چہ سرجمی ءَ ھلاس کنگ بہ بیت۔
