پاکستان نیول اکیڈمی کراچی ءَ 124میڈشپ مین ءُ 32 شارٹ سروس کمیشن کورس ءِ کمیشننگ پریڈ ءِ برجم دارگ بوت

کراچی۔27دسمبر  (اے پی پی):پاک نیول اکیڈمی کراچی ءَ 124 مڈشپ مین ءُ 32 شارٹ سروس کمیشن ءِ کورس ءِ کمیشننگ پریڈ بوتگ ایشی ءِ تہ ءَ 90 مڈشپ مین ءُ 34 ایس ایس سی کیڈٹ پاس آؤٹ بوتگ اَنت۔ مراگش ءِ تہ ءَ کمانڈر رائل بحرین نیول فورس ءِ ریئر ایڈمرل احمد محمد ابراہیم البن علی ءِ ھاسیں مہمان ءِ بستار ءَ بھر زوری کت۔ ھاسیں مہمان ءَ را نیول اکیڈمی ءَ سر بوھگ ءِ وھد ءَ چیف آف نیول اسٹاف ایڈمرل نوید اشرف ءَ وش اتک کت۔ شمبے ءِ روچ ءَ ڈائریکٹر جنرل پبلک ریلیشنز (بحریہ) ءِ نیمگ ءَ جاڑی بوتگیں بیان ءِ رد ءَ ھاسیں مہمان ءَ کہ آ وت پاک بحریہ اکیڈمی ءَ چہ گریجویٹ اِنت آئی ءَ کمیشننگ پریڈ ءِ چار ءُ تپاسی ءَ را وتی واستہ فخر ءِ گپ لیک اتگ ءُ پاک بحریہ ءِ پیشہ وارانہ صلاحیت آناں ساڑاتگ ءُ ایشی ءَ را پاک بحریہ ءِ واستہ یک ھاسیں دمگی لیک اتگ۔ آئی ءَ گیش گوشت کہ پاک بحریہ ءِ دوستیں ملک آنی کیڈٹ آناں تربیت دیگ ءِ دیریں روایت برجاہ اِنت ایشی ءِ اے پریڈ ءَ بحرین، عراق، جمہوریہ جبوتی، سری لنکا ءُ ترکی ءِ کیڈٹ آنی بھر زوری ءِ ثبوت اِنت۔ ھاسیں مہمان ءَ پاکستان ءُ بحرین ءِ نیام ءَ دیریں سیادی، یکجائی قدر ءُ وت مہ وتی دیمروئی ءِ واستہ عزم ءِ سر ءَ ھم زور پر دات۔ ایشی ءَ پد مزنیں مہمان ءَ جوانیں کارکردگی پیش داشتگیں کیڈٹ آنی تہ ءَ انعام بھر ءُ بانگ کت۔ مڈشپ مین محمد عزیر عباس ءَ را سرجمیں جوانیں کارکردگی ءِ ھاتر ءَ تلوار ءِ داد دیگ بوتگ وھدے کہ مڈشپ مین شہاب احمد ءَ اکیڈمی ڈرک ءِ داد دیگ بوتگ۔ پاکستان ءَ چہ آفیسر آفیسر کیڈٹ عمر مختار  ءُ  عراق  ءَ چہ  آفیسر کیڈٹ الذھبی فہد حسام فرید  ءَ را  چیف آف دی نیول اسٹاف گولڈ میڈلز  ءُ  ایس ایس سی کورس  ءِ  آفیسر کیڈٹ سید سعد شاہد  ءَ را  کمانڈنٹ گولڈ میڈل دیگ بوت۔ پروفیشنسی بینر کواٹرڈیک اسکواڈرن ءَ رستگ ات۔ مراگش ءَ اُردی ​​افسر، مزن اگدہ دار ءُ کیڈٹانی  پیرنٹس آں بہر زرتگ۔