لاہور۔27دسمبر (اے پی پی):مزن وزیر محمد شہباز شریف ءَ پیسریگیں گورنر اسٹیٹ بینک آف پاکستان شمشاد اختر ءِ بیرانی ءِ سر ءَ دلپدردی ءِ درشانی کتگ۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ شمشاد اختر ءِ ھزمت آناں شگر ءُ منت گپت ءُ گوشت کہ آ ملک ءِ نامداریں معیشت زانت ءُ یک لائکیں …
مزن وزیر شہباز شریف ءَ پیسریگیں گورنر اسٹیٹ بینک آف پاکستان شمشاد اختر ءِ بیرانی ءِ پد ءَ دلپدردی ءِ درشان
لاہور۔27دسمبر (اے پی پی):مزن وزیر محمد شہباز شریف ءَ پیسریگیں گورنر اسٹیٹ بینک آف پاکستان شمشاد اختر ءِ بیرانی ءِ سر ءَ دلپدردی ءِ درشانی کتگ۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ شمشاد اختر ءِ ھزمت آناں شگر ءُ منت گپت ءُ گوشت کہ آ ملک ءِ نامداریں معیشت زانت ءُ یک لائکیں ءُ ایمانداریں شخصیت ءِ بوتگ۔ آئی ءَ اسٹیٹ بینک آف پاکستان ءُ ایندگر ھاسیں راجی ءُ میاں اوستمانی ادارگ آنی تہ ءَ کار کنگ ءَ پاکستان ءِ شان ءُ شُہاز آورتگ۔ مزن وزیر ءَ گوشت کہ ملکی معیشت ءِ برجائی ءُ مالیاتی شوبگ ءِ گہتری ءِ واستہ بیران بوتگیں مردمانی ازمت مدام یات کنگ بیت۔ مزن وزیر ءَ دعا کت کہ اللہ تعالیٰ بیران بوتگیں مردم ءَ را جنت ءَ بُرزیں جاگہ بہ دنت ءُ غم ءِ آماچیں ھاندان ءَ را اے جھٹکا ءَ را صبر ءُ اوپار ءِ گوما برداشت کنگ ءِ توان بہ دنت۔
