شہید بے نظیر بھٹو ھمک گوانک زندگ اِنت کہ ناانصافی ءِ دیم ءَ جھکگ ءَ چہ انکار کنت، آصفہ بھٹو زرداری

اسلام آباد۔27دسمبر  (اے پی پی):بانُک اول، باسک راجی اسمبلی ءُ شہید بے نظیر بھٹو ءِ جنک آصفہ بھٹو زرداری ءَ گشتگ کہ شہید بے نظیر بھٹو ھمک آواز ءِ تہا زندگ انت کہ ناانصافی ءِ دیم ءَ جھکگ ءَ چہ انکار کنت۔ شہید بے نظیر بھٹو ءِ شہادت سالروچ ءِ درگت ءَ شمبے ءِ روچ ءَ ’’ایکس‘‘ ءِ سر ءَ وتی کلوہ ءِ تہ ءَ آصفہ بھٹو زرداری ءَ گوشت کہ شہید بے نظیر بھٹو ءَ دلیری ءَ گوں رہشونی کتگ، آئی ءِ زور ھمک آواز ءِ تہ ءَ زندگ اِنت کہ ناانصافی ءِ دیم ءَ جھکگ ءَ چہ انکار کنت۔ آئی ءَ شہید بے نظیر بھٹو ءَ را یات کت ءُ گوشت کہ ما وتی جہد ءِ ھمک پڑ ءَ آئی ءَ را یات کنیں ءُھمک سوبمندی ءِ موہ ءَ ما شہید بی بی ءِ کمی ءَ ھمک ساھت ءَ ماریں ءُ آئی ءِ ھاتر ءَ دعا کنگ ءَ ایں ۔ آصفہ بھٹو زرداری ءَ گوشت کہ ما شہید بی بی ءِ وژن ءُ قدر آنی سرجمی ءِ واستہ وتی کوشست ءَ را برجاہ دارگ ءَ ایں ۔ آئی ءَ گوشت کہ بی بی شہید ءِ رؤگ ءَ چہ سروکی ءِ  جاہ ھورک  بوتگ ایشرا  ایوک ءَ آ پُر کُت کنت۔