پاکستان یمن ءَ امن ءُ ایمنی ءِ ھاتر ءَ سعودی عرب ءِ سفارتی کوشست آناں حمایت کنت، درئی کارانی کارگس ءِ جارکش

اسلام آباد۔27دسمبر  (اے پی پی):پاکستان یمن ءِ نوکیں وئیل آنی سر ءَ نزیکی ءَ گوں چار ءُ بچار کنگ ءَ اِنت۔ پاکستان جمہوریہ یمن ءَ امن ءُ ایمنی ءِ پجارینگ ءِ واستہ سعودی عرب ءِ بادشاہی ءِ نیمگ ءَ کتگیں سفارتی کوشست آناں سرجمی ءَ کمک کنت ءُ اے رد ءَ متحدہ عرب امارات ءِ کوشست آناں ھم ساڑائی کنت۔ شمبے ءِ روچ ءَ درئی کارانی کارگس ءِ جارکش ءَ وتی بیان ءَ گوشت کہ ما یمن ءِ یکوئی ءُ سرزمین ءِ یکوئی ءِ احترام کنگ ءِ ضلورت ءِ سر ءَ زور پر دئیں ءُ امیت کن ایں کہ یمن ءِ گل ھرچ یک نیمگی کارروائی ءَ چہ دست کش بنت کہ ایشی ءَ چہ جاور ھال گیش گیش بوت کن اَنت۔ ترجمان ءَ گوشت کہ ما یمن ءِ درستیں گل آناں ھم لوٹ کن ایں کہ آ وت مہ وتی تپاک کتگیں نکات آنی سر ءَ بنیات ءِ سر ءَ یک جامع ءُ گپ ءُ تران ءِ سیاسی گیواری ءِ نیمگ ءَ جوڑیشت ءُ مخلصانہ رنگ ءَ دیم ءَ بہ رو اَنت۔ جارکش ءَ گوشت کہ پاکستان اے امیت ءِ درشان کنت کہ برجاھیں سفارتی کوشست آنی آسر ءَ ملک ءَ دائمی امن ءِ برجائی ءُ یمن ءِ الس ءِ سکی آنی تہ ءَ کمی ءِ واستہ مھکمیں گامگیج چست کنگ بنت۔