ایم ایل ون کراچی-روہڑی سیکشن ءِ سرا کار 2026 ءَ بندات کنگ ءِ گمان انت، احسن اقبال

اسلام آباد۔27دسمبر  (اے پی پی):منصوبگ بندی ءُ دیمروئی ءِ وفاقی وزیر پروفیسر احسن اقبال ءَ گوشت کہ ایم ایل ون کراچی روہڑیسیکشن ءِ سر ءَ کار 2026 ءَ بندات کنگ ءِ گمان اِنت آئی ءَ ہدایت کتگ کہ سکور حیدرآباد موٹروے سئے سال ءِ تہ ءَ سرجم کنگ بہ بیت ءُ ایشی ءَ را اولی ترجی ءِ منصوبگ ءِ رنگ ءَ جار جنگ بہ بیت۔ شمبے ءِ روچ ءَ ادا جاری بوتگیں پریس ریلیز ءِ رد ءَ وفاقی وزیر پروفیسر احسن اقبال ءَ ریلوے، شاہراہ ءُ آپی شوبگ آنی تہ ءَ کلیدی پبلک سیکٹر ڈویلپمنٹ پروگرام (پی ایس ڈی پی) منصوبگ آنی سر ءَ مزن تک ءِ چار ءُ تپاسی ءِ دیوان ءِ سروکی کت ءُ سیادی داروکیں وزارت آناں ہدایت کت کہ آ دیم ءِ سال آنی واستہ سئے منصوبگ بندی ءِ رد ءَ بروقت نفاذ ءُ کوالٹی ءِ رد ءَ اولیت بہ دنت۔ راجی تک ءَ المی ئیں بنیاتی ڈھانچگ ءِ پھجارینگ ءَ را دل یکیمی کنگ بہ بیت۔ اسلام آباد ءَ برجم داشتگیں دیوان ءَ پی ایس ڈی پی 2025-26 ءِ چیر دستی ءَ ٹرانسپورٹ ءُ آپ ءِ شوبگ ءَ مزنیں مداخلت آنی سر ءَ چار ءُ تپاسی کنگ بوت۔ باسک انفراسٹرکچر ڈاکٹر وقاص انور ءَ اولیت ءِ منصوبگ آنی پیشرفت، دائرہ کار ءُ فنڈنگ ​​ءِ لوٹ آنی سر ءَ سرجمیں رنگ ءَ پیش داشت، وھدیکہ وزارت ریلوے، نیشنل ہائی وے اتھارٹی ءُ وزارت آبی وسیلگ آنی سینئر افسر ھوار اتنت۔ ریلوے ءِ شوبگ ءِ گامگیج آنی چار ءُ تپاسی ءِ وھد ءَ وفاقی وزیر احسن اقبال ءَ را مین لائن ون (ایم ایل ون) منصوبگ ءِ جاور ھال آنی بابت ءَ سرپدی دیگ بوت، ھاسیں رنگ ءَ کراچی روہری سیکشن ءِ واستہ، ایشی ءِ واستہ جولائی 2026 ءَ بنیاتی کار بندات کنگ ءِ گمان اِنت۔ کوئلہ ریلوے کنکٹیویٹی پروجیکٹ، کہ توانائی ءِ سپلائی ءُ صنعتی دیمروئی ءِ ھاتر ءَ رسد ءِ گہتری ءِ ھاتر ءَ یک اسٹریٹجک گامگیج اِنت۔ تھر کوئلہ ریلوے کنکٹیویٹی پروجیکٹ ءِ تہ ءَ 53.7ارب کلدار ءِ تخمینہ ءِ ھرچ ءُ درچ ھوار اِنت ءُ ایشی ءِ تہ ءَ سئے پیکج ھوار اَنت ایشی ءِ تہ ءَ تھر کوئلہ ءِ کاناں چہ نائے چھور اسٹیشن ءَ تاں 105 کلومیٹر ءِ نوکیں ان لوڈ ریلوے لائن ءِ جوڑ کنگ ھوار اِنت وھدے کہ بن قاسم ءَ چہ بندر تھک 2 ءَ نزیک ءَ 9 کلومیٹر ءِ نوکیں ڈبل ٹریک لائن ءِ دیمروئی ھوار اِنت۔ پورٹ قاسم ءُ لکھرا پاور پلانٹ اسٹیشن ءَ گڈّی کنگ بوتگ۔ اے منصوبگ ءِ جون 2026 ءَ سرجم کنگ ءِ گمان اِنت۔پروفیسر احسن اقبال ءَ وزارت ریلوے ءَ را ہدایت کتگ کہ آ آیوکیں سئے سال آنی واستہ فنڈنگ ​​ءِ لوٹ آنی یک ھاسیں منصوبگ پیش بہ کنت ءُ گوشت کہ اے اسٹریٹجک ترین منصوبگ آنی تہ ءَ تیزی ءُ کوالٹی ءِ سر ءَ ھچ وڑیں سمجھوتہ کنگ مہ بیت، پرچا کہ اے دراجیں مدتی راجی اثاثہ اَنت ءُ اے منصوبگ آنی تہ ءَ مزنیں معیار ءِ رد ءَ جوڑ کنگ بہ بیت۔ دیوان ءَ پی ایس ڈی پی 2025-26 ءِ چیر دستی ءَ نیشنل ہائی وے اتھارٹی ءِ پورٹ فولیو ءِ سر ءَ ھم چار ءُ تپاسی کنگ بوت کہ ایشی ءِ تہ ءَ 71منصوبگ ھوار اَنت کہ ایشی ءِ کلیں ھرچ ءُ درچ ءِ کساس 3407ارب کلدار اِنت۔ وفاقی وزیر ءَ ہدایت کت کہ سکور حیدرآباد موٹروے ءَ را سئے سال ءِ تہا سرجم کنگ بہ بیت ءُ ایشی ءَ را اولی ترجی ءِ منصوبگ ءِ رنگ ءَ جار جنگ بہ بیت۔ آئی ءَ گیش ہدایت کت کہ قراقرم ہائی وے (کے کے ایچ) فیز ٹو منصوبگ ءِ کار ءَ را ترند کنگ ءُ 2028ءَ تاں سرجم کنگ بہ بیت تانکہ ڈائیمر بھاشا ڈیم جھیل ءِ سبب ءَ کے کے ایچ ءِ کٹ آف ءَ چہ بچگ بہ بیت۔ پبلک پرائیویٹ پارٹنر شپ (پی پی پی) ءِ چیر دستی ءَ وزیر ءَ بلوچستان ءَ سمبریال خاریان راولپنڈی موٹروے، ایم 8 ءُ مشکل پنجگور چاگی روڈ منصوبگ آناں اولی ترجی ءِ گامگیج لیک اتگ ءُ ایشی ءِ ترندیں رنگ ءَ سرجمی ءِ سر ءَ زور پر داتگ۔ آئی ءَ این ایچ اے ءَ را ہدایت کت کہ آ کلیدی منصوبگ آنی یک جامع پورٹ فولیو ءِ تیاری ءَ بہ کنت ءُ آیوکیں سئے سال آنی واستہ آہانی فنڈنگ ​​ءِ لوٹ آناں پیش بہ کنت تانکہ برجاھیں پیشرفت ءُ وھد ءِ سر ءَ سرجمی ءَ را دل یکیمی کنگ بہ بیت۔ گورننس ءُ احتساب ءِ سر ءَ زور پر دیان ءَ پروفیسر احسن اقبال ءَ این ایچ اے ءَ را ہدایت کت کہ آ یک مھکمیں نگرانی ءُ رپورٹنگ میکانزم ءِ جوڑ بہ کنت ءُ ہر پنچ ہفتگ ءَ پد دیمروئی رپورٹ ءِ چار ءُ تپاسی ءِ واستہ پیش بہ کنت۔ آئی ءَ گوشت کہ ما اے گپ ءَ را دل یکیمی کنگ لوٹ ایں کہ بوتل نیک ءِ زوت پجارینگ ءُ زوت گیواری کنگ بہ بیت۔ دیوان دیوان ءَ پی ایس ڈی پی 2025-26 ءِ چیر دستی ءَ آپی شوبگ ءِ مزنیں منصوبگ آنی سر ءَ ھم چار ءُ تپاسی کنگ بوت، ایشی ءِ تہ ءَ 34منصوبگ ھوار اَنت کہ ایشی ءِ تہ ءَ کل منظور بوتگیں ھرچ ءُ درچ 1848ارب کلدار اِنت۔ گپ ءُ تران ءِ تہ ءَ کلیدی منصوبگ آنی تہ ءَ داسو پن بجلی منصوبگ، دیمر بھاشا ڈیم، محمند ڈیم پن بجلی منصوبگ، چشمیہ رائٹ بینک نہر، تربیلا پنچمی توسیع پن بجلی منصوبگ ءُ کراچی ءِ واستہ کے فور واٹر سپلائی منصوبگ ھوار اَنت۔ وفاقی وزیر ءَ سیکرٹری وزارت آبی وسیلگ ءَ را ہدایت کت کہ آ ہر مزنیں منصوبگ ءِ واستہ کم چہ کم سالانہ فنڈنگ ​​سیلنگ ءِ تفصیلی رپورٹ پیش بہ کنت، ایشی ءِ گوما آیوکیں سئے سال آنی واستہ متوقع مالی لوٹ ءُ گزر ھم پیش کنگ بہ بنت۔ آئی ءَ گوشت کہ وسیلگ آنی منصوبگ بندی حقیقت پسندانہ ءُ نفاذ ءِ گنجائش ءِ رد ءَ بہ بیت تانکہ تاخیر ءُ ھرچ ءُ درچ ءِ گیشی ءَ چہ بچگ بہ بیت۔ احسن اقبال ءَ ھاسیں رنگ ءَ ہدایت کتگ کہ محمند ڈیم ءَ را اولویت ءِ منصوبہ ءِ جار جنگ بہ بیت، پرچا کہ اے آپ ءِ ذخیرہ کنگ، سیلاب ءِ کنٹرول، آپ ءِ کشگ ءُ بجلی ءِ پیداوار ءِ ھاتر ءَ المی انت۔ پاکستان ءِ اقتصادی برجائیءُ موسمیاتی تابکاری ءِ واستہ آپی ایمنی مرکزی انت ءُ ملک ءِ آیوکیں وھد ءِ ایمنی ءِ واستہ اے منصوبگ آنی وھد ءِ سر ءَ سرجم کنگ المی انت۔ دیوان ءِ گڈ ءَ وفاقی وزیر ءَ حکومت ءِ یک مزنیں راجی وژن ءِ چیر دستی ءَ بنیاتی ڈھانچہ ءِ سروکی ءَ دیمروئی ءِ جزم ءِ پدا زور دات ءُ گوشت کہ یکجاھیں منصوبگ بندی، مالیاتی نظم و ضبط ءُ ادارگی ھمگرنچی المی انت تانکہ اے سرمایہ کاری اقتصادی دیمروئی، دمگی رابطہ ءُ شہری ءِ زند ءِ شریں کوالٹی ءِ تہ ءَ بدل بہ بنت۔