شہید بے نظیر بھٹو ءِ نظریہ ءُ لیکہ  مدام  زندگ مان انت، محسن نقوی

اسلام آباد۔27دسمبر  (اے پی پی):وفاقی تہی کارانی وزیر محسن نقوی ءَ پیسریگیں مزن وزیر شہید بانک بے نظیر بھٹو ءِ زندمان ءِ جہد ءَ را مزنیں شگر ءُ منت ءِ درشان کنان ءَ گوشت کہ آئی ءِ نظریہ ءُ وژن ابدمان زندگ بیت۔ بینظیر بھٹو ءِ بیرانی ءِ روچ ءِ درگت ءَ وتی کلوہ ءِ تہ ءَ محسن نقوی ءَ گوشت کہ بینظیر بھٹو ءِ پاکستان ءِ واستہ راجی ءُ سیاسی ھذمت دائم ءَ یات کنگ بنت۔ آئی ءَ آئی ءَ را اُمیت ، استقامت ءُ جمہوری اصولانی سرا بے مٹیں جزم ءِ چیدگ لیک اتگ۔ وزیر ءِ توکی کار ءَ گوشت کہ شھید بے نظیر بھٹو ءَ را الس ءِ طاقت ءِ سر ءَ سکیں ایمان است، آئی ءَ پرامن، دیمروئی ءُ جمہوری پاکستان ءِ واستہ وتی سر ندر کتگ۔ آئی ءَ گوشت کہ بے نظیر بھٹو ءِ ویژن انگت ءَ ملک ءِ توامیں جمہوری قوت آناں رہشونی کنگ ءَ انت، آئی ءَ مزدور، کشت ءُ کشاری ءُ چاگرد ءِ پد منتگیں تبک راجی دیمروئی ءِ اصل بنیات لیک اتگ۔ محسن نقوی ءَ گوشت کہ منی واب یک انچیں پاکستان ءِ بوتگ کہ اودا ھمک مئی ءَ شہری ءِ وت مہ وتی ءِ رکھینگ بہ بیت ءُ جمہوریت مہکم بہ بیت۔ آئی ءَ گوشت کہ مرچی صدر آصف علی زرداری ءُ چیئرمین پاکستان پیپلز پارٹی بلاول بھٹو زرداری شھید بے نظیر بھٹو ءِ سیاسی پڑ ءَ دیم ءَ برگ ءَ انت۔ آئی ءِ نظریہ مرچی زندگ اِنت ءُ باندا ھم زندگ بیت۔