وفاقی داخلہ ءِ وزیر محسن نقوی ءُ داخلہ ءِ وزیر مملکت طلال چوہدری ءَ ایلیٹ پولیس ٹریننگ سنٹر ءِ تر ءُ تاب کتگ

اسلام آباد۔27دسمبر  (اے پی پی):وفاقی تہی کارانی وزیر محسن نقوی ءُ تہی کارانی وزیر مملکت طلال چوہدری ءَ شمبے ءِ روچ ءَ دارالحکومت ءَ ایلیٹ پولیس ٹریننگ سنٹر ءِ تر ءُ تاب کتگ۔ ادا جاڑی بوتگیں بیان ءِ رد ءَ آہاں جاری ھیل کاریی پروگرام آنی سر ءَ چار ءُ تپاسی کتگ ءُ جتا جتائیں کورس آنی کارکردگی ءِ چار ءُ تپاسی کتگ ایشی ءِ تہ ءَ کیپیٹل ایلیٹ ٹریننگ کورس ءُ انسداد ناشرکاری ءِ محکمہ ءِ کورس ھوار انت۔ تر ءُ تاب ءِ ساھت ءَ وزیر آناں ورزش ءُ ایندگر جسمانی ھیل کاری ءِ مشق آنی چار ءُ تپاسی کت ءُ ھیل کاری گپتگیں مردمانی تیاری ءُ فٹنس ءِ کچ ءُ کساس ءِ چار ءُ تپاسی کت۔ محسن نقوی ءَ ھیل کاری ءِ مرکز ءِ دیمروئی ءُ پیشہ وارانہ تک ءُ پہنات آنی سر ءَ چار ءُ تپاسی کتگ ءُ دستیابیں ھیل کاری ءِ آسراتی آنی چار ءُ تپاسی کتگ۔ وزیر داخلہ ءَ ایلیٹ ٹریننگ سینٹر ءِ افسر ءُ انسٹرکٹر آنی گوما گند ءُ نند کت ءُ آہانی کارکردگی ءِ توسیپ کت ءُ ایلیٹ فورس ءِ ھیل کاری ءِ معیار ءَ را گہتر کنگ ءُ رد عمل ءِ وھد ءَ را کم کنگ ءِ سرا زور پر دات ھاسیں رنگ ءَ ناشرکاری ءُ انتہا پسندی ءِ مدامیں ھترہ آنی رد ءَ۔ محسن نقوی ءَ گیش ءَ چہ گیش ھیل کاری گپتگیں مردمانی مہارت ءُ پیشہ وارانہ توانائی آناں توسیپ کت ءُ گوشت کہ ایلیٹ ٹریننگ اسکول سیکورٹی فورسز ءِ توانائی آناں مھکم کنگ ءِ تہ ءَ دیم ءَ ھم مزنیں کردے پیلو کنت۔ اسلام آباد پولیس ءِ انسپکٹر جنرل علی نصیر رضوی  ءَ وزیر داخلہ ءَ را مرکز ءِ تہ برجاھیں ھیل کاریی کاروائی، سیکورٹی ءِ بندوبست ءُ آپریشنل تیاری ءِ بابت ءَ سرپد کت۔ بریفنگ ءِ تہ ءَ گوشگ بوت کہ ھیل کاری ءِ تہ ءَ کارندہ آنی فائرنگ ءِ ھنر ءَ را گیش کنگ ءِ سر ءَ ھاسیں دلگوشی دیگ بوھگ ءَ اِنت۔ تر ءُ تاب ءِ وھد ءَ سیکرٹری داخلہ، چیف کمشنر اسلام آباد، ڈی آئی جی ءُ ایندگر سیادی داروکیں پولیس افسر ھم ساڑی بوتگ انت۔