مزن وزیر شہباز شریف ءَ پنجگور ءَ ھندوستان ءِ کمک ءَ 4 ناشرکارانی کوش ءِ پد ءَ سیکورٹی فورسز ءَ را  توسیپ ءُ ستا پیش کت

اسلام آباد۔27دسمبر  (اے پی پی):مزن وزیر محمد شہباز شریف ءَ بلوچستان ءِ ضلع پنجگور ءَ ھندوستان ءِ کمک ءَ 4 ناشرکارانی کوش ءِ پد ءَ سیکورٹی فورسز ءَ را شگر ءُ منت گپت ءُ گوشت کہ آ ملک ءَ چہ ھمک رنگ ءِ ناشرکاری ءِ ھلاسی ءَ جزمیگ اَنت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ انسانیت ءِ دژمن ناشرکار آنی نا شریں ارادہ آناں سرگچل کنگ ءَ انت۔ آئی ءَ گوشت کہ ناشرکاری ءِ ھلاپ ءَ جزم ءِ مھکم کنگ ءَ سرجمیں راج سیکورٹی فورسز ءِ ھمراھی ءَ اوشتاتگ۔