مزن وزیر شہباز شریف ءِ گشگ انت کہ شہید بے نظیر بھٹو ءِ زند ءُ سروکی جمہوریت ءِ سرا بے مٹیں جزم ءِ چیدگ بوتگ، مردمانی حقانی رکھینگ ءُ فیڈریشن ءِ مھکمیں چیدگ بوتگ

اسلام آباد۔27دسمبر  (اے پی پی):مزن وزیر محمد شہباز شریف ءَ پیسریگیں مزن وزیر بے نظیر بھٹو شہید ءَ را یات کنان ءَ گوشت کہ آئی ءِ زند ءُ سروکی جمہوریت ءِ ھاترا بے دروریں جزم، الس ءِ ھک آنی رکھینگ ءُ فیڈریشن ءِ مھکم ءِ چیدگ اِنت۔ شمبے ءِ روچ ءَ ’’ایکس‘‘ ءِ سر ءَ وتی کلوہ ءِ تہ ءَ مزن وزیر ءَ گوشت کہ آ راج ءِ گوما پاکستان ءِ مزنیں جنک ءَ را آئی ءِ شھادت ءِ روچ ءَ شرپ ءُ شان ءَ پیش کنت، آئی ءِ زند ءُ سروکی جمہوریت ءِ واستہ بے مٹیں جزم، الس ءِ ھک آنی رکھینگ ءُ وفاقی یونٹ ءِ مھکم ءِ چیدگ بوتگ۔ مزن وزیر ءَ گوشت کہ شھید بے نظیر بھٹو رواداری، سیاسی ھمگرنچی، زالبول آناں بااختیار کنگ ءُ اقلیت آنی رکھینگ ءِ پیشگام بوتگ۔ آئی ءِ ہمت، قربانی ءُ امریں میراث مرچی ہم راج ءِ رہشونی ءُ الہام ءَ دنت۔ آئی ءَ دعا کت کہ اللہ تعالیٰ وتی بے مٹیں برکتاں آئی ءِ سر ءَ  تالان بہ کنات۔