بے نظیر بھٹو شہید ءَ پاکستان ءِ جمہوریت ، الس ءِ حق ءُ فیڈریشن ءِ برجائی ءِ واستہ جہد کتگ ، بے نظیر بھٹو ءِ شہادت سالروچ ءِ درگت ءَ مزن وزیر محمد شہباز شریف ءِ کلوہ

اسلام آباد۔27دسمبر  (اے پی پی):مزن وزیر محمد شہباز شریف ءَ بانُک بے نظیر بھٹو شہید ءَ را شگر ءُ منت گپت ءُ گوشت کہ پاکستان ءِ جمہوریت، الس ءِ ھک ءُ فیڈریشن ءِ برجائی ءِ واستہ جہد ءُ کوشست کتگ۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ بانک بے نظیر بھٹو شہید ءِ شہادت سالروچ ءِ درگت ءَ وتی کلوہ ءِ تہ ءَ گوشت کہ مرچی ما پاکستان ءِ مزنیں جنک پیسریگیں مزن وزیر بھٹو شہید بینظیر ءِ بیرانی ءِ روچ ءَ دارگ ءَ ایں ۔ آئی ءَ جمہوریت، الس ءِ حق ءُ پاکستان ءِ فیڈریشن ءِ برجائی ءِ ھاتر ءَ بے دروریں جہد کتگ۔ بانک بے نظیر بھٹو ءَ جمہوریت ءِ تہا رواداری ءُ ہم آہنگی ءِ وڑیں جوانیں قدر آناں دلبڈی دات، آئی ءَ سیاسی عمل ءِ تہا رواداری ءِ دیمروئی کت کہ اے ستا کرز انت۔ بانک بے نظیر بھٹو ءِ ملک ءُ قوم ءِ ھاتر ءَ کتگیں ازمت دائم ءَ یات کنگ بنت۔ مزن وزیر ئَ گوشت کہ بانک بے نظیر بھٹو ئِ سیاسی ئِ تہ ئَ راج دوستی ئِ جزبگ برجا اِنت۔ آئی ءَ زالبول آنی کرد ءَ را گیش کنگ، اقلیت آنی ھک آنی رکھینگ ءُ پاکستان ءَ را پرامن، دیمروئی ءُ جمہوری ریاست جوڑ کنگ ءِ واستہ ارزشتی ایں گامگیج چست کتگ۔ آئی ءِ قربانی ءُ خدمت پہ راج ءَ رژنائی ءِ چراگ انت۔ مزن وزیر ءَ گوشت کہ مرچی ما وتی جزم ءِ پدا پدر کنگ ءَ آں کہ پاکستان ءَ برداشت، برداشت، کانود ءِ حاکمی ءُ الس ءِ گہبودی ءِ سفر دیم ءَ برگ بیت، ایشی ءِ واستہ بے نظیر بھٹو ءَ وتی جان قربان کتگ۔ دعا کت کہ اللہ تعالیٰ شہید بے نظیر بھٹو ءَ را رحمت ءِ دائرہ ءَ مزنیں مقامے بہ دنت ءُ آئی ءِ کہول ءُ نزیکیں مردماں صبر ءُ اوپار بہ دنت۔