حکومت ءَ اُڑان پاکستان ءِ وژن ءِ چیر دستی ءَ ای پاکستان ءِ حکمت عملی جوڑ کتگ تانکہ ملک ءَ را ڈیجیٹل معیشت ءُ نوکیں ٹیکنالوجی ءِ تہ ءَ مقابلہ ءُ مھکم جوڑ کنگ بہ بیت، وفاقی وزیر پروفیسر احسن اقبال

اسلام آباد۔26دسمبر  (اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ حکومت ءَ اُڑان پاکستان ءِ وژن ءِ چیر دستی ءَ ای پاکستان ءِ حکمت عملی جوڑ کتگ تانکہ ملک ءَ را ڈیجیٹل معیشت ءُ نوکیں ٹیکنالوجی ءِ تہ ءَ مقابلہ ءُ مھکم جوڑ کنگ بہ بیت۔ جمعہ ءِ روچ ءَ اے آئی رائز ایکسپو 2025 ءَ گوں تران کنان ءَ پروفیسر احسن اقبال ءَ پاکستان ءَ ٹیکنالوجی ءُ نوآبادیاتی ءِ نوکیں جہت آنی سر ءَ رژنائی شنگ کت۔ پروفیسر احسن اقبال ءَ گوشت کہ حکومت ءَ اُڑان پاکستان ءِ وژن ءِ چیر دستی ءَ ای پاکستان ءِ حکمت عملی جوڑ کتگ تانکہ ملک ءَ را ڈیجیٹل معیشت ءُ نوکیں ٹیکنالوجی ءِ تہ ءَ مقابلہ ءُ مھکم جوڑ کنگ بہ بیت۔ آئی ءَ اے گپ ءِ پدر کنگ ءَ گوشت کہ برآمدات، ڈیجیٹل معیشت ءُ نوآبادیاتی پاکستان ءِ سئے ستون اَنت کہ ایشی ءِ سر ءَ ملک ءِ دیمروئی ءِ انحصار اِنت۔ وفاقی وزیر ءَ گوشت کہ پاکستان خلائی پڑ ءَ دیمروئی ءِ واستہ جزمیگ انت ءُ حکومت ءَ سئے نوکیں راجی مرکز جوڑ کنگ ءِ پیسلہ کتگ ایشی ءِ تہ ءَ کوانٹم کمپیوٹنگ، نینو ٹیکنالوجی ءُ نوکیں مینوفیکچرنگ ءِ سر ءَ دلگوشی دیگ بیت۔ پروفیسر احسن اقبال ءَ گوشت کہ کوانٹم ٹیکنالوجی آیوکیں جھان ءِ مقابلہ ءِ پیسلہ کنت ءُ پاکستان ءَ جوڑ بوھوکیں کوانٹم ویلی ملک ءِ ڈیپ ٹیک معیشت ءِ مرکز جوڑ بیت۔ آئی ءَ اے گپ ءِ سر ءَ زور پر دات کہ حکومت ءِ مول ءُ مراد پاکستان ءَ را ٹیکنالوجی ءَ چہ لیس ، مقابلہ ءُ نوکیں راج جوڑ کنگ اِنت۔ آئی ءَ گوشت کہ آرٹیفیشل انٹیلی جنس پاکستان ءِ اقتصادی طاقت ءِ نوکیں انجن اِنت ءُ ایوک ءَ ھما راج کہ ٹیکنالوجی ءِ تہ ءَ برتری کن اَنت آ جھان ءِ معیشت ءِ سروکی ءَ کن اَنت۔ آئی ءَ گوشت کہ پاکستان ءَ صنعت آناں نوک جوڑ کنگ ءِ واستہ روبوٹکس المی جار جنگ بوتگ وھدیکہ سیٹلائٹ ٹیکنالوجی ءَ چہ وردن، تجارت ءُ کمیونیکیشن ءِ شوبگ ءَ را مھکم کنگ بوھگ ءَ اِنت۔ پروفیسر احسن اقبال ءَ گوشت کہ حکومت یونیورسٹی ءِ پٹ ءُ پول ءَ را صنعت ءُ برآمدات ءَ گوں ھمگرنچ کنگ ءِ واستہ ھم مزنیں کوشست کنگ ءَ اِنت تانکہ ورنا پٹ ءُ پولکار ءُ سائنسی استعداد ملک ءِ معیشت ءِ تہ ءَ فعال کرد پیلو بہ کن اَنت۔