متحدہ عرب امارات  ءِ صدر ءِ پاکستان ءِ تر ءُ تاب، براتی سیادی آنی تہ ءَ نوکیں جہت

اسلام آباد۔26دسمبر  (اے پی پی): متحدہ عرب امارات  ءِ صدر شیخ محمد بن زاید النہیان جمعہ ءِ روچ ءَ پاکستان ءِ سرکاری تر ءُ تاب ءَ انت۔ براتی اسلامی ملک ءِ سروک ءِ سروک ءِ پاکستان ءَ مزنیں ءُ راجدپتری استقبالیہ ءِ بندوبست سرجم بوتگ انت۔ درئی کارانی کارگس ءِ رد ءَ امارات ءِ صدر ءِ گوما وزیر ءُ مزنیں کارندہ آنی ھواریں مزن تک ءِ ڈل ھم اے تر ءُ تاب ءَ انت۔ تر ءُ تاب ءِ ساھت ءَ دوئیں ملک آنی نیام ءَ وت مہ وتی سیادی، وت مہ وتی سیت ءِ دمگی ءُ جھان ءِ جیڈھ آنی سر ءَ گپ ءُ تران کنگ بیت۔ اے تر ءُ تاب ءَ چہ تجارت، سرمایہ کاری، توانائی، دیمروئی ءُ دمگی برجائی ءَ را گیش مھکم کنگ ءَ ھاسیں کرد پیلو بیت۔ پاک فضائیہ ءِ جنگی بالی گراب امارات ءِ صدر ءِ آھگ ءَ گوں بالی سلامی دنت ءُ صدر ءِ بالی گراب پاکستان ءِ سرزمین ءَ ایر کپگ ءَ گوں سیکورٹی گارڈ ءِ چیر دستی ءَ کنگ بیت۔ زانگ بہ بیت ایشی ءَ چہ پیسر پاکستان ءِ مزن مزنیں سول ءُ فوجی سروکی ءَ ھم دو نیمگی سیادی ءُ مھکمیں سیادی ءَ را دیم ءَ برگ ءِ واستہ امارات ءِ تر ءُ تاب کتگ۔ اے تر ءُ تاب دوئیں ملکانی نیام ءَ دیریں ءُ براتی سیادی ءِ درشان اِنت ءُ آیوکیں وھد ءَ سیادی ءَ را نوکیں رنگے دیگ ءِ پیشگال ثابت بیت۔