امارات ءِ صدر شیخ محمد بن زاید النہیان پاکستان ءِ اولی سرکاری تر ءُ تاب ءَ راولپنڈی ءَ سر بوتگ ءُ مزن وزیر محمد شہباز شریف ءَ آئی ءَ را وش اتک کُت

راولپنڈی۔26دسمبر  (اے پی پی): امارات ءِ صدر شیخ محمد بن زاید النہیان پاکستان ءِ اولی سرکاری تر ءُ تاب ءِ روچ ءَ راولپنڈی ءَ پج اتگ۔  مزن وزیر محمد شہباز شریف، نائب مزن وزیر ءُ دری کارانی وزیر اسحاق ڈار، چیف آف آرمی اسٹاف ءُ چیف آف ڈیفنس فورسز فیلڈ مارشل سید عاصم منیر ءُ وفاقی وزیر آں شرپداریں مہمان ءَ را وش اتک کت۔ وہدے شیخ محمد بن زاید النہیان وتی جہاز ءَ چہ دراتک گڈا مزن وزیر محمد شہباز شریف ءُ چیف آف آرمی ءُ چیف آف ڈیفنس فورسز فیلڈ مارشل سید عاصم منیر ءَ آئی ءَ گوں دوت ءُ دراھ  کت۔ روایتی پوشاک ءَ پوشوکیں زھگاں امارات ءِ صدر ءَ را پُل دات۔ اے موہ ءِ سر ءَ امارات ءِ صدر شیخ محمد بن زاید النہیان ءُ مزن وزیر محمد شہباز شریف ءِ نیام ءَ  پر مڈاہیں گپ ءُ تران ھم کنگ بوت۔ امارات ءِ صدر ءَ را 21 توپک ءِ سلامی ھم دیگ بوت۔ ھما وھد ءَ کہ آئی ءِ بالی گراب پاکستان ءِ ھوائی دمگ ءَ اتک جے ایف 17 تھنڈر ءِ بالی گراباں آئی ءَ را سلام دات۔ شیخ محمد بن زاید النہیان ءِ شرپ ءَ نورخان ایر بیس ءَ باقاعدہ استقبالیہ مراگش برجم دارگ بوت۔ مسلح افواج ءِ یک جوانیں پوشاکیں دستہ یے ءَ آئی ءَ را گارڈ آف آنر پیش کت کہ آئی ءَ گارڈ آف آنر ءِ سرا چمشانک دات۔ اے موہ ئَ دوئیں ملک آنی راجی سوت ھم الہان ​​کنگ بوت۔ مزن وزیر محمد شہباز شریف ءَ وفاقی کابینہ ءِ باسکاں امارات ءِ صدر شیخ محمد بن زاید النہیان ءَ گوں پجار کتگ وھدیکہ امارات ءِ صدر ءَ وتی ڈل ءِ باسکاں مزن وزیر محمد شہباز شریف ءَ گوں پجار کتگ۔ دوئیں ملکانی بیرک زھگ آں دست ءَ کتگ ءُ شرپ مندیں  مہمان آناں را وش آتک کت۔ امارات ءِ صدر شیخ محمد بن زاید النہیان ءَ چکانی گوما دست ءُ دست کتگ ءُ چکانی واستہ مہر ءِ درشانی کتگ۔ اے تر ءُ تاب ءِ ساھت ءَ امارات ءِ صدر پاکستان ءِ مزن وزیر ءَ گوں گند ءُ نند کنت، ایشی ءِ تہ ءَ جھان ءُ دمگی جیڈھ آنی سر ءَ دو نیمگی سیادی آنی سر ءَ ھم گپ ءُ تران کنگ بیت۔