عیسائی کمیونٹی ءَ را کرسمس ءِ مبارکباد حضرت عیسیٰ علیہ السلام  ءَ سرجمیں بنی آدم ءَ را ایمنی ، براتی  ءُ مہر ءِ کلوہ داتگ، مزن وزیر شہباز شریف

اسلام آباد۔25دسمبر  (اے پی پی): مزن وزیر محمد شہباز شریف ءَ سرجمیں دگنیا ءَ ھاسیں رنگ ءَ پاکستان ءَ نندوکیں عیسائی برادری ءَ را کرسمس ءِ مبارک بات دیگ ءِ وھد ءَ گوشت کہ حضرت عیسیٰ علیہ السلام  ءَ سرجمیں بنی آدم ءَ را امن، براتی ءُ مھر ءِ کلوہ داتگ ءُ پاکیں ءُ نیکیں زند گوازینگ ءِ ھکل داتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ وتی کرسمس کلوہ ءِ تہ ءَ گوشت کہ مرچی کرسمس ءِ وشیں ءُ برکتیں موہ ءِ سر ءَ من سرجمیں دگنیا ءَ ھاسیں رنگ ءَ پاکستان ءَ نشتگیں مسلمان کمیونٹی ءَ را الس ءِ نیمگ ءَ ءُ پاکستان ءِ حکومت ءَ را دل ءِ جہلانکی ءَ چہ سلام پیش کن آں ۔ من کلیں وطن آں اے میلہ ئے سنتی وشیاں واھگ داراں آئی ءَ گوشت کہ حضرت عیسی علیہ السلام ءِ پیدائش ءِ اے نیکیں روچ ءَ مئے دعا اِنت کہ اے کرسمس مسلمان کمیونٹی ءُ مئے ملک ءِ واستہ امن ءُ ایمنی ءُ وشھالی ءِ ھال ءَ بہ دنت۔ مزن وزیر ءَ گوشت کہ کرسمس ایوک ءَ مسلم کمیونٹی ءِ مذھبی میلہ نہ اِنت بلکینگ ءَ سرجمیں بنی آدم ءِ واستہ یک کلوہ ءِ ھم اِنت، مہر، امن، رواداری ءُ دلپدردی ءِ جذبات آنی وسیلگ ءَ مارا یک دومی ءَ گوں ھمگرنچ کنت۔ حضرت عیسی علیہ السلام اللہ تعالیٰ ءِ مزنیں پیغمبرے ءِ بستار ءَ اسلام ءِ تہا سکیں احترام ءِ مقامے داریت۔ آئی ءَ سرجمیں بنی آدم ءَ را امن، براتی ءُ مھر ءِ کلوہ دات ءُ مردمانی تہ ءَ نیکیں، نیک ءُ پاکیں زند ءِ رہبند ءِ زنگ جت۔ مزن وزیر ءَ پاکستان ءَ عیسائی کمیونٹی ءِ یک جوانیں، پازیٹیو  ءُ ایمنیں کمیونٹی ءِ رنگ ءَ بے دروریں کرد ءَ را ساڑات ءُ گوشت کہ ملک ءِ سرجمیں چاگردی ءُ اقتصادی دیمروئی ءِ واستہ آھانی دل ءِ جہلانکی ءَ گوں کوشست ستا ءِ لائک انت۔ مزن وزیر ءَ پاکستان ءَ ناشرکاری ءِ ھلاپ ءَ جہد ءَ سرجمیں راج ءِ ھمکوپگی ءَ وتی قربانی ءِ سر ءَ فخر ءِ درشان کنان ءَ گوشت کہ عیسائی کمیونٹی ءِ ارزشتی ایں ازمت وانگ ءُ زانگ، دوا ءُ زندمان ءِ ایندگر پڑ ءَ ھم چاگردی یکوئی ءِ دیمروئی ءِ سبب انت۔ آئی ءَ گوشت کہ وت مہ وتی یکوئی، ھک ءُ آجوئی آنی رکھینگ، اقتصادی وشھالی، رنگ ءُ نسل ءِ فرق ءَ ابید توامیں شہری آنی ذاتی دیمروئی ءِ واستہ برابریں موہ پاکستان حکومت ءِ اولی ترجی آنی تہ ءَ ھوار اَنت۔ آئی ءَ اے وشیں روچ ءَ ھرکس ءَ را وتی جزم  ءِ نوک کنگ ءِ دعوت دات کہ راج ءِ درستیں تبک ءُ مکتب فکری مئے آیوکیں نسل آنی واستہ یک مھکمیں، ایمن ءُ وشھالیں پاکستان ءِ واستہ جوڑیشت ءِ کرد ءَ را برجاہ دار اَنت۔